مسلسل Moon Knight أو فارس القمر هو مسلسل من انتاج شركة Marvel وإخراج المخرج المصري محمد دياب
وكالعادة شركة مارفيل بتقدم بطل خارق المرادي بس بنكهة مصرية ومربوط ربط بالميثولوجيا المصرية القديمة ودي حاجة تدعى للتفاخر زي ما قدمت قبل كدة شخصية Loki من الميثولوجيا النوردية وشخصية Thor المشتركة بين الميثولجي الإغريقي والنوردي النهاردة بتقدم بطل بنكهة مصرية .
في أول 3 حلقات في المسلسل بنفهم أن البطل Marc Spector يعتبر مرآه الإله خونسو على الأرض والإله خونسو هو إله القمر في الميثولوجيا المصرية القديمة وإله ليه قدسية كبيرة وبيحارب مجموعة بتعبد " آمت" أو أكله القلوب حسب الميثولجيا المصرية وحقيقي المسلسل تحفة فنية وممتع جدًا بس حقيقي في شوية نقطة كدة هوضحها علشان الصورة تكتمل ومش تقليل من السلسل خالص بالعكس هو بس علشان الفكرة تكون واضحة
في الحلقة الأولي البطل Marc Spector بيكلم مع المديرة بتاعته في المتحف المصري في امريكا عن التاسوع المقدس وأنهم حطين 7 ألهه بس وهما اصلاً تسعة ودي معلومة حقيقية جدًا لأن الديانة المصرية القديمة فعلاً كان فيها 9 ألهه مقدسة وأسمهم التاسوع المقدس لهيلوبليس واللي منهم بدأ الكون
التاسوع المقدس هما :-
رع - (بالإنجليزية: Ra): هو إله الشمس وخالق العالم
جب - (بالإنجليزية: Geb): إله الأرض
نوت - (بالإنجليزية: Nut): ربة السماء
شو - (بالإنجليزية: Shu): إله الهواء
تفنوت - (بالإنجليزية: Tefnut): ربة الشمس والقمر
ست - (بالإنجليزية: Seth): رمز الشر والعنف
إيزيس - (بالإنجليزية: Isis): ربة السحر
أوزيريس - (بالإنجليزية: Osiris): حاكم مملكة الموتى
نيفتيس - (بالإنجليزية: Nephthys): ربة المنزل.
الخطأ الأول في المسلسل أنه مطلع ناس بتقدس وتعبد "آمت" وطبعًا ده حطأ لأن "آمت" اصلاً مش إله ولا كانت بتُعبد خالص .
الخطأ التاني هو جايب ميزان على أيد الناس اللي بتعبدها وبتوزن الأعمال وبتقتل اللي هيرتكب خطيئة في المستقبل والحقيقي "آمت" مكنش ليها ميزان خالص أنما الميزان كان بتاع الإله "ماعت" أمَّا دور "آمت" كان "آكلة الموتى". بيتم استدعائها عند حساب الموتى وتأكل قلوب وأرواح المخطئين بعد ما "ماعت" تحاسبهم. وهنا فيه اختلاف طفيف بين مارفل وعلم المصريات وهو أنه في مارفل "تقوم آمت برؤية المستقبل ولو الي أمامها ناوي يتركب شئ سئ في المستقبل أو حتى فكر فيه بتاكله هو وروحه" أما في علم المصريات كما ذكرنا ف هي بتاكل أرواح وقلوب المخطئين بعد الميزان.
أمت هو كائن خرافي يظهر في الميثولوجيا والأساطير المصرية القديمة مزيجاً بين رأس تمساح وجسد أسد وفرس نهر. حسب معتقدات المصريين القدماء وهو يُسمى بأكل القلوب !! ما أصل الريشة لو هي اللي طبت مفيش نار أنما انوبيس هيرمى القلب ده ل أمت فهياكله ووقتها تنتهي رحلة الميت ومش هيعبر للعالم الأخر وهيتلاشى !!!!
اتذكر في الحلقة الأولى في الدقيقة الخمسة ان المصريين القدماء كانوا بيحتفظوا بالقلب علشان يقدروا يعبروا لحقول القصب !!! والحقيقة مفيش حاجة اسمها حقول القصب اصلا هي اسمها حقول الايارو
حقول "الايارو" هى أحدى المناطق التى تمر بها الروح أثناء رحلتها فى الدوات (العالم السفلى ) , و هى منطقة ترتادها أيضا بعض النترو يعني المقدسة التى تنتمى الى عوالم أعلى , و يمكن لأرواح البشر الذين اكتسبوا معرفة روحانية فى حياتهم الدنيا أن يتصلوا بهؤلاء النتر اتصالا مباشرا .
هو ليه اختار البطل الإله خونسو علمًا ان خونسو إله مش مشهور أوي في الميثولوجيا المصرية ولا حتى في التاسوع المقدس ؟!!
من وجهة نظري لأن الإله خونسو اسمه يعني "المسافر"، وقد يتعلق هذا بالسفر الليلي الملحوظ للقمر عبر السماء ودي هتفيد السيناريو والمسلسل في حتت التنقل والسفر لمسافات بعيدة
في النهاية المسلسل تحفة فنية والله وفخور أن في ميثولوجيا مصرية بيتم تقدمها في أعمال عالمية
كتب: اسلام وهيب
0 تعليقات