كتب: Peter Samy
كان فيه أسئلة كتير عن مبادرة البنك المركزي المصري للتمويل العقاري وعن كيفية حساب الاقساط وهكذا،
فحبيت اشارككم بالمعلومات دى لمساعدتكم وعلشان تعرفوا كل التفاصيل، وكمان حسبتلكم اقساط مدينة أكتوبر الجديدة ومدينة القاهرة الجديدة في الصورة .
المبادرة ليها شروط كتير منها :
١- العميل من حقه الاستفادة من مبادرة البنك المركزي المصري لوحدة سكنية واحدة فقط بشرط عدم إستفادة العميل من مبادرات التمويل العقاري سابقاً.
٢- الحد الأقصى للدخل الشهري للفرد ٤٠ الف والأسرة ٥٠ الف.
٣- الحد الأقصى لمساحة الوحدة ١٥٠ متر.
٤- الحد الأقصى لسعرها ٢.٢٥ مليون جنيه.
٥- لازم يكون مدفوع من تمنها ٢٠% والباقى يكون تقسيط عن طريق التمويل العقاري.
٦- اقصي عدد لسنين التقسيط ٢٠ سنة.
٧- لو عايز تبيع أو تدفع الباقى كاش، مانصحكش، لأن لازم ترد مبلغ الدعم بتاع المبادرة، من اول تاريخ منح التمويل العقاري لغاية تاريخ البيع أو السداد المعجل الباقى الاقساط. وطبعا مش هايكون فيه عمولة للسداد المعجل. والصورة اللي تحت موضحة قيمة التعويض ده.
٨- الحد الأقصى اللي المفروض يكون مستقطع من الدخل لمقابلة القسط الشهري ده ٤٠% من الدخل، وطبعا ده لو حضرتك مش حاصل علي اي تسهيلات إئتمانية من اي بنك آخر، ولو فيه اي تمويل شخصي حضرتك حاصل عليه، بيخصموا القسط الشهري من إجمالي ال ٤٠%.
نيجى بقي للوحدات السكنية اللي مطروحة دلوقتي؛
١- طبقا لدراسة الشروط، مطلوب طبعاً نسبة ال ٢٠% حسب سعر كل وحدة، والباقى تمويل عقاري زي ما المبادرة بتقول.
٢- بس هنا فيه ميزة انه مش مقسم الاقساط بالتساوي على ال ٢٠ سنة لأ القسط بيزيد سنويا بنسبة ٧%، دى انا شايفها ميزة حلوة علشان فيه تدرج في الاقساط وكل ما السنين بتعدي كده كده مرتبك هايزيد والقسط هايزيد معاه بحيث ما تكونش مرهق من ان الاقساط في الاول كبيرة ومرهقة.
0 تعليقات