الدكتور أحمد أبو النصر يوضح فوائد الخولنجان في زيادة عدد الحيوانات المنوية والقدرة الجنسية

اوضح الدكتور أحمد أبو النصر عددا من الفوائد الصحية لنبات الخولنجان على النحو التالى .

الخولنجان .. 

بالبلدي بيسموه حلنجان .. إبن عم الزنجبيل بس أجدع منه في كام حاجة تانية .. 

زي إنه كويس للضغط مابيرفعهوش عشان البوتاسيوم اللي فيه بيفتح الأوعية الدموية اللي مسدودة بالكوليسترول وبالتالي بيوصل الدم للقلب والشرايين ويحافظ على تنظيم الضغط ..

أحسن منه كمان إنه لو عندك إلتهابات وتهيج في المعدة يهديه مايتعبهوش ..

الخولنجان بقى كـ خولنجان من غير مقارنة ولا منافسة بيزود جودة وعدد الحيوانات المنوية والقدرة الجنسية ودة إتحقق في دراسة إكلينيكية مش كلام ..

مضاد للألتهابات عشان جواه مغذيات بتوقف واقفة شديدة قصاد زيادة بروتين الجسم اللي بيأذي الجهاز المناعي ، فـ خايف على مناعتك وعايز البروتين في معدله معاك الخولنجان ..

الفطريات والبكتيريا في المعدة ممكن تعمل إلتهاب برضو هيحميك ..

بص بقى هو بيشتغل كـ مضاد للأكسدة ، الأكسدة دي ممكن تجيبلك مشاكل في القلب والسكري وتجيب زهايمر وإكتئاب ،، حسب دراسة إتعملت وأتنشرت في مجلات زي 

Indian Journal of pharmaceutical sciences & Chemico - Biological Interactions 

بيأكدولك مخبرياً وإكلينيكياً إن خلاصة الخولنجان بتكافح الأكسدة وتقلل نسبة إصابتك بالزهايمر لو بدأت تحس بيه وبتساعد في علاج ومقاومة السرطانات ..