بالرغم انى ضد عمليات حظر ومنع الاعلانات ماعدا الفئات الحساسة ولكن ليا تجربه بالنسبه للمحتوى العربى عملتها وجابت نتائج ممتازه وحبيت اشاركها .
دايما الكلمه اللى على لسان جوجل هى ( ساعد جوجل ) ساعد جوجل على فهم محتوى موقعك, ساعد جوجل على الوصول السهل لجميع الصفحات بالبناء الهندسى والربط بين جميع الصفحات, ساعد جوجل على تنظيم اختياراتك
وهنا هنركز على تنظيم اختياراتك فيما يخص الشبكات الاعلانيه على ادسنس.
ومن المعروف ان المحتوى العربى على الانترنت هو ضئيل جدا ولا يمثل شىء بالمقارنه بباقى اللغات الاخرى وهذه حقيقه ثابته وراضيين بيها وبالتالى قله المحتوى = قله الاعلانات وبالطبع قله الشبكات الاعلانيه الكبرى التى ترغب فى اضافه اعلانات على المحتوى العربى داخل ملف ادس تكست لجوجل ويعتبر مفيش غير هى شبكه واحده فقط شغاله معانا وهى ( جوجل ادوردز بالعربى ) وهتعرف ده بنفسك عند الدخول الى التقارير ثم شبكات الاعلان .
التجربه كانت تصفيه وفلتره جميع الشبكات الاعلانيه الموجوده ضمن حسابك والإبقاء فقط على تلك الشبكات التى حققت مرات ظهور كبيره وحظر باقى الشبكات التى لم تحقق اى مرات ظهور او مرات ظهور ضعيفه جدا من 1 الى 10 مثلا..
وده هيساعد جوجل على انه يصفى ويفلتر وينظم المخزون الاعلانى لحسابك .
يعنى بدل ما يكون عندك 300 شبكه اعلانيه معظمهم بدون فائده هتخلى عندك 10 او 15 شبكه اعلانيه تسهل على جوجل وضع الاعلانات منها فقط .
خطوات عمل فلتره للشبكات الاعلانيه
1- الدخول الى حسابك ثم التقارير ثم شبكات الاعلان وتختار الزمن كل الوقت .
2- اول عمود فى التقرير هو شبكات الاعلان واسمائها وبجواره مرات الظهور لكل شبكه وفيه عدد مرات الظهور هتظغط ضغطه واحده على عمود مرات الظهور بحيث تخلى الارقام الظاهره من الاقل الى الاكبر .
3- كما فى الصوره هتلاقى شبكات ليها مرات ظهور منعدمه وضئيله كتيره جدا هتعمل تصدير لهذه البيانات وتنزلها ثم ترفعها على جداول جوجل .
4- داخل جدول جوجل ومن عمود اسم الشبكات تنسخ اسم كل شبكه اعلانيه وتفتح اداه عناصر التحكم فى الحظر ثم جميع المواقع الالكترونيه وتختار الشبكات الاعلانيه وفى مربع البحث هنا تحط اسم كل شركه فى الجدول وتعمل بحث هتطلع امامك ثم تضغط على مفتاح الحظر الموجود امامها .
الموضوع ده هياخد منك نص ساعه او ساعه بالكتير ولكنه مفيد جدا لتصفيه الشبكات الضعيفه فى الظهور والابقاء فقط على الشبكات الاكثر ظهورا.
طبعا كل ده بجانب الامور المهمه لرفع سعر النقره وهى الاستعانه باحدث تسعير للكلمات على جوجل كيورد بلانر وده اللى ركزت عليه وجاب معايا نتايج كويسه فى زياده سعر النقره مع تشديد الاستهداف والتخصص الموحد.
الشرح كما طبقته فى الصور التاليه واى استفسار فيما يخص تجارب زياده سعر النقره او اذا كان لديك تجربه مفيده فى هذا شاركها معنا لتعم الفائده ويزيد ميزان حسناتك فى الاخره بنفس القدر الذى ترغب فى زياده ميزانك فى الدنيا .
كتب : مصطفى المصرى
0 تعليقات