الدكتور احمد ابو النصر يوضح 9 أغذية تقوية ومسكنات طبيعية للقولون

الدكتور احمد ابو النصر يوضح 9 أغذية تقوية ومسكنات طبيعية للقولون

اعلن الدكتور احمد ابو النصر عن تسعة أغذية تعمل على تقوية وكمسكنات طبيعية للقولون.

وقال ابو النصر: فيه نوعين من الناس .. نوع بيتعامل مع القولون على إنه جزء لا يتجزأ خلاص من حياتُه وبقى مُتقبله وبيحاول يراضيه .. وجزء متعصب إن إزاي عضو زي دة متحكم فيه على أكل وشُرب وأدوية ..

أياً كان أنت أي نوع فيهم .. سجل معايا الحاجات دي بالورقة والقلم وأعتبرهم تغذية / تقوية / مسكنات طبيعية للقولون وريحُه عشان يريحك : 

١- الزبادي 

ماتصدقش حد يقولك دة ممنوع عليك ، والزبادي مش مُندرج تحت منع الألبان يا جماعة ، عشان فيه خمائر طبيعية وبيعالجلك الأمساك يعني لو عندك إسهال بلاش ، وبيسهل لك حركة القولون علبة زبادي صغيرة قبل ما تنام وتصبح على خير .. 

٢- بيكربونات الصوديوم 

ألتهاب جهاز هضمي / عسر هضم / حرقان الإخراج / إنتفاخ ؟ موجود .. أنت بس خدُه صح ..

٣- الشوفان 

عندك تسريب معوي وقولونك تاعبك خد منه وهترتاح .. للمرة المليون وواحد .. اللي من غير جلوتين ..

٤- الشطة 

في الشطة بالذات ، خليك طبيب نفسك ، جربها ولو تمام خُدها في أي وجبة في يومك ، تعبت منها ؟ خد بعدها حليب أو عسل وهتهدأ على طول ،، بس لازم تجربها عشان فايدتها وهي بتبنيلك خمائل الأمعاء الدقيقة هتنفعك ..

٥- الموز

دي بقى معاك لو أنت كرونز / تقرحي / إلتهاب / سيلياك / مناعة ذاتية ..

٦- الحمص 

أيوة الحمص ممكن تستفيد منه كـ عيش (خبز) ٧٠٪؜ دقيق الحبة الكاملة و٣٠٪؜ مطحون حمص وودع بقى دهون الدم وإضطرابات الأمعاء ..

٧- زيت بذر الكتان (الزيت الحار)

إرتشاح أمعاء مهم جداً عشانه ومنع ألتهاب الجهاز الهضمي ،، حتى الأكل الممنوع عليك كـ مريض قولون بيقلل من تأثيره عليك كتييير زي الفول وخلافُه ..

٨- النعناع 

يهدي أعصابك وقولونك وأنتفاخك .. 

٩- الشعير المخمر 

بيغذي القولون ويبعد الألتهاب المزمن والأنتفاخ والأمساك والأسهال مع بعض ، هو هينزل معدتك وهيتصرف ..

الحاجات دي موجودة في كل بيت .. تقدر تلحق وجعك بيها في أي وقت .. وتبقى روتين ليك عشان ماتتعبش أصلاً ..