ناس كتير بتسأل عن طريقة استرجاع حساب الفيسبوك الاعلاني بعد ايقافه ؟
بكل بساطة هتفتح حسابك الإعلاني وهتراسل دعم الفيسبوك زي ما موضح في الصورة كده (يفضل من لابتوب أو كمبيوتر) وهتمشي على الخطوات دي:
𝟭. هتضغط على علامة الاستفهام فوق خالص على اليمين أو الشمال حسب اللغة بتاعتك.
𝟮. هتنزل تحت خالص وتضغط على 𝗥𝗲𝗽𝗼𝗿𝘁 𝗮 𝗣𝗿𝗼𝗯𝗹𝗲𝗺 أو الإبلاغ عن مشكلة.
𝟯. هتختار من القايمة 𝗔𝗱𝘃𝗲𝗿𝘁𝗶𝘀𝗶𝗻𝗴 𝗣𝗼𝗹𝗶𝗰𝗶𝗲𝘀.
𝟰. هتختار 𝗗𝗶𝘀𝗮𝗯𝗹𝗲𝗱 𝗔𝗰𝗰𝗼𝘂𝗻𝘁.
𝟱. هتكتب أي تفاصيل عن مشكلتك قدر المستطاع.
𝟲. هتبعت سكرين شوت للمشكلة والخطأ اللي بيظهرلك.
𝟳. هتضغط 𝗦𝗲𝗻𝗱 𝗙𝗲𝗲𝗱𝗯𝗮𝗰𝗸.
وبعدين هتنتظر لحد ما الدعم يرد عليك ومفروض هيجيلك إيميل على بريدك الإلكتروني اللي بتفتح الحساب منه وبرده هيجيلك إشعار إنهم ردوا عليك هتضغط عليه هيوديك لصفحة الدعم.
الرد هيكون إما بإن الحساب اتفتح واشتغل تاني يا إما إن الحساب مش هيرجع تاني والقرار نهائي وساعتها هتستعوض ربنا وتحاول تعمل حساب جديد غيره بس متكررش نفس الغلطات اللي عملتها في الحساب الأول اللي اتقفل وتتأكد إنك بتنفذ السياسات الإعلانية ومش بتخالفها وهتطلع فيزا جديدة غير اللي كنت بتستخدمها في الحساب القديم لأنها مش هتتقبل تاني (ممكن تطلع بدل فاقد على نفس .الفيزا وهيلغوا القديمة ويطلعولك واحدة جديدة برقم مختلف).
كتب : محمد وجيه
0 تعليقات