كتب : Ahmed Ebrahim
الخطوات العملية لعمل SEO لصفحتك على الفيس بوك وحصولك على آلاف المتابعين, تكلمنا قبل كدا عن أهمية الفيس بوك وفتحنا الطريق اننا ازاى نستخدم صفحتنا على الفيس بوك كموقع ونحصل على زوار مهتمين بمنتجاتنا وخدماتنا بشكل مجانى وكل دة باستخدام ال SEO (تهيئة الصفحة لمحرك البحث فيس بوك وجول كمان).
لخصتكلم الموضوع فى خطوات محددة لو نفذتوها هتقدر فعلا تعمل رانك بصفحتك بالكلمات المستهدفة.
1- لازم يكون فى كلمات دلالية مختارها بعناية وعارف ان الكلمات دى عليها بحث كويس والعملاء بتوعك بيستخدموها فى البحث ودة ممكن تستخدم فية اداة مجانية Keyword Planner زى مثلا انا ببيع نظارات شمسية فعملت بحث عن الكى ورد دى فلقيتها بمشتقاتها عليها 10000 عملية بحث فكدا خلاص عرفت الكلمة الى هبنى عليها صفحتى على الفيس بوك ودة هتلاقية فى صورة رقم 1
2- اختيار اسم صفحة مهيئ لمحرك البحث , أوعى أوعى تختار اسم عام يعنى مثلا يبقى الأسم بتاعك (شمس) الى هوا اسم البراند فقط.
لازم الأسم بتاعك يكون فى كلمة دلالية أو كلمتين انت مستهدفهم ومركز عليهم زى مثلا (شمس للنظارات الشمسية الهاى كوبى) كدا احنا بالأسم دة بنلعب على أكتر من كى ورد (شمس + نظارات + نظارات شمسية + نظارات هاى كوبى + نظارات شمسية هاى كوبى)
3- رابط الصفحة لازم يكون فية الكى ورد الى مستخدمها وتستخدم ترجمة الكى ورد عادى.
4- استخدم الكلمات الدلالية المستهدفة فى وصف الصفحة About us لازم تستخدم الكلمة الدلالة الى مستهدفها بنسبة 2-5% من الوصف المستخدم
5- استخدم الكلمة الدلالة على طول فى بوستات العادية سواء فيديو او صورة او محتوى وحاول تستخدمها كهشتاج برضة
6-مرحلة بناء الباكلينكس: كدا انت عامل اوبتيميزاشين للصفحة عندك كأنها موقع ومستخدم الكى وردس بشكل ممتاز هنا بقى لازم تعامل صفحتك على الفيس بوك كأنها صفحة فى موقعك ولازم تاخدلها بالكلنيكس ذات جودة عالية والجميل ان فى الفيس بوك ان دومين الفيس بوك قوى جدا يعنى انت ممكن تطلع بالصفحة بتاعتك فى جوجل اصلا كمان ومش الفيس بوك بس زى مثلا لما بحثنا بكى ورد (نظارات شمسية هاى كوبى) فى جوجل لقينا النتيجة الثانية والثالثة صفحات فيس بوك مع انهم مش مهيئين الصفحة مظبوط وعنهم مشاكل كتير وانت لو هيئت صفحتك بشكل أفضل تقدر تبقى النتيجة الأولى فى جوجل وتحصل على ال 10000 زائر الى بيبحثو عن الكلمة شهريا بالأضافة بأنك هتظهر بيها فى الفيس بوك كمان نتيجة أولى.
وهنا وصلنا للنهاية أظن حوالت أفيدكم فية على قد ما اقدر وأسهلكم العملية ومتبقاش معقدة والموضوع مش مقتصر على الفيس بوك بس بل انت ممكن تطبقة على موقع تواصل اجتماعى تانى.
0 تعليقات