كتب: Abdelrahman Sleem
استخدام التريند زي الموجة يا تركبها صح بما يتناسب مع شركتك يا اما هتغرق و تعملك مشكلة " فمش أي موجة تتركب "
كنت متردد أتكلم عن تريند مصطفي أبو تورتة لكن حابب أتكلم عليه من الزاوية العلمية وفقا لخبرتي الشخصية علي مدار ١٥ سنة في المجال و فكرة استخدام التريند " NewsaJacking بطريقة صحيحة
أ) المحور الاول للغير عاملين بمحال التسويق " تعريف الـ NewsJacking “
- هو كيفية إستغلال أحداث جارية عليها تفاعل كبيرة علي مواقع التواصل الإجتماعي وتوظيفها لصالح البراند بغرض من الغرضين :
Brand Awareness
Sales
ب) تعليقي علي الاستخدام الخاطئ للتريند :
- للاسف شباب و شركات من اللي ماسكين صفحات شركات بيكونوا للاسف جداد في المجال او معندهمش خلفية عن ال Marketing ويعني ايه positioning ، فأي تريند بيلعبوا عليه من باب ال Reach و شوية كومنتات بغض النظر عن افادة التريند من عدمه وهل لائق إستخدامه ام لا
- التريند غير مناسب تماما للاستخدام لانه قضية أخلاقية و ليست شيء مناسب اننا نستخدمه خاصة ان السوشيال ميديا بتظهر جزء من الحقيقية مش كلها
- هل الشركات الي استخدمت التريند سألت نفسها الاول هل ده مناسب ام لا ؟
هل هيفيد الشركة ولا لأ؟!
- طب سؤال تاني :
١- هل الشركات اللي عمالة توعد نهال بعمرة الخ هل هتفنفذ وعدها لو نهال أخذت العمرة و الشقة و الفستان ولا رزعوا البوست وخلاص من باب الهري و من باب ان نهال مش هتطلب منهم حاجة
٢- هل راعت شعور البنت و أهلها الخ ولا عادي أنتا نشهر اكتر بالناس ؟!
ج) نصائح لإستخدام أي تريند :
١- اول سؤال هل التريند مناسب ام لا
٢- هل التريند ليه علاقة بحاجة سياسية - عرقية - جنسية - اخلاقية ولا لأ؟!
٣- لو مناسب يبقي نحدد الهدف من استخدام التريند
- هل الهدف ربط التريند بمنتج الشركة بتبيعه ولا الهدف زيادة الوعي عن البراند و الانتشار اكتر
٤- بعد كدة ندخل علي طريقة الكتابة و الفكرة بحيث تكون مناسبة للشريحة المستهدفة لأي صفحة شركة
٥- استخدام التريند في بدايته علشان يسمع لان كل ما نتأخر هيبقي التفاعل عليه ميت
٦- مثال لتثبيت المعلومة :
" من أشهر الأمثلة اللي اتلعب عليها NewsJacking صح "
- لو تفتكروا تريند فستان هل لونه ازرق في اسود ولا ابيض في ذهبي؟!
لما انتشر التريند فصفحة زي Tide لعبت عليه ونزلت بوست
مع استخدام تايد اكسترا هتعرفي لون الفستان الحقيقي
وهكذا كل شركة وظفت صح التريند لصالح الشركة من غير ما يسرقوا من بعض وبطريقة مناسبة للشريحة المستهدفة
الختام :
" مش كل تريند يتركب ، وياريت نراعي أخلاقياتنا وتربيتنا ومنشجعش اَي هري وإسفاف ،
ونبطل مراهقة السوشيال ميديا اللي خلتنا للاسف بتحول اَي ظاهرة غير اخلاقية لمادة سخرية وهزار
ـ
0 تعليقات