كيفية عمل خطة تسعير المنتج للشركة بشكل صحيح

كتب: Abdelrahman Sleem

من أهم الحاجات لاى Business أو Startup عموما هى انه ازاى يضع خطة التسعير للمنتج أو للخدمة بتاعته.

- بنلاقى ناس فاكرة انى مجرد شركتى او الخدمة اللي بقدمها مجرد انى بقلل السعر بتاعها يبقى كدة انا مشاى صح و العكس صحيح.

- انت ممكن بسبب جنيه أقل تخسر فلوس كتييرة وهتضر الصناعة اللي انت شغال فيها على المدى البعيد وممكن جنيه زيادة تحطه يخسرك شرائح مستهدفة انت حاططها ممكن تتعامل معاك .

 قبل ما نقول معادلة التسعير محتاجين الأول نعرف العوامل الخارجية والداخلية والمعطيات اللي لازم ابقى عارفها وبتأثر على سعر الخمة او المنتج قبل ما اسعر:

1- دراسة وضع السوق كويس فى المجال والصناعة اللى انت هتشتغل فيها من ناحية المنتج واحتيجات الناس و تدراسة ال Behavior بتاع كل شريح ومتوسط دخل الافراد ومعدل نمو الصناعة.

2: الالمام بوضع الدولة المستهدفة اللي هتشتغل بها من الناحية الاقتصادية  قوانين الاستثمار والضرائب الخاصة بمجالك الخ و توجهات الدولة للصناعة بتاعتك وفرص الشراكة مع الجهات المختلفة.

3: دراسة المنافسين لك من كل النواحى مش سعر بس ولازم تقدم قيمة مضافة مختلفة عن غيرك عشان تتميز , لان للاسف اغلب الناس بيختزل الدراسة فى انه يقلل السعر فقط من غير وعى و ده بييجى على حساب الصناعة عموما.

4: ادرس الوضع الحالى لشركتك من ناحية SWOT Analysis محترمة من نقاط قوتك ونقاط ضعفك و اشتغل عليهم و اعمل خطة انه توصل وتستفيد من الفرص اللي فى السوق ازاى وبرضه ازاى تدير المخاطر اللي ممكن تتعرض لها في حضر نفسك من بدرى عشان تبقى جاهز.

5: سواء بتقدم خدمة أو منتج لازم تبقى عامل لكل منتج او خدمة Product management plan.

على سبيل المثال انت لو بتقدم خطة تدريب مثلا ف انت محتاج الاول تبقى ظابط شكل الخدمة من ناحية المادة العلمية و المحاضرين ونظافة المكان و الـ Catering عموما والـ Software للاجهزة والـ Hardware وطريقة واليات التدريب باساليب جديدة تتميز بها الخ.

كل ده خطة للخدمة او للمنتج مالوش علاقة لا ببيع او حملات اعلانية لان الجزء ده هيصب على كل حاجة فى الاخر ايا كان نوع الخدمة او المنتج اللي بتقدمها.

6: دراسة التكلفة المباشرة عليك.

7: دارسة التكلفة الغير مباشرة و ده كتير ما بياخدش باله منها , طيب مثال يعنى ايه تكلفة غير مباشرة.

لو كملنا على مثال خدمة زى التدريب ف انت عندك تكاليف كهرباء بتحملها على نشاطاتك على مدار الشهر. 

عندك المكالمات - انترنت - مشروبات - أدوات تنظيف - أكل - الخ حسب ال حاجات اللي انت بتقدمها.

8: وفقا للدراسات ال انت قمت بها فوق و الشريحة المستهدفة و قيمة ال حاجاة ال بتقدمها والتكلفة اللي عليك بتحسب ال Profit Margin ( نسبة الارباح ) اللي انت هتكسبها من الخدمة اوالمنتج اللي بتقدمه و ده أكيد بيختلف من شركة للتانية حسب المعطيات اللي اتكلمنا عنها.

اذا بعد المعطيات دى وفقا لكل شركة فالمعادلة : 

Direct Cost + Indirect Cost + Profit Margin % = Price

لذلك محدش يهمل الشق ده عشان مهم جدا على المدى القصير وعلى المدى البعيد اكتر ممكن يوصلك لنتائج كارثية وبيأثر على الصناعة ال انت شغال فيها بشكل عام .