البلاد يمكن دخولها بالباسبور المصري بدون فيزا أو فيزا عند الوصول أو فيزا اونلاين

البلاد يمكن دخولها بالباسبور المصري بدون فيزا أو فيزا عند الوصول أو فيزا اونلاين

كتب: ‎Ahmed Mohamed‎ 

السؤال اتكرر كثير وللأسف ناس كثير متعرفش الاجابه أو بتنقل الاجابه ال اتحطت ف اليوم السابع سنه 2016 وتلطعها كوبي بيست بدون اي ابديت والناس تلبس ف الحيطه فورا فحبيت النهاردة اجاوب علي السؤال دة بنفسي

1- قاره اسيا :

- ماليزيا واندونيسيا والأردن .. لو هتسافرهم من اي بلد ف العالم مش محتاج اي حاجه ولكن !!!!! لو هتسافرهم من مصر البلاد دي بتحتاج تصريح امني

لو باسبورك فيه مؤهل او حاصل علي .. هتعدي عادي

لو طالب وهتسافر من مصر يبقي لازملك تصريح امني من مصر وساعتها عشان تاخد التصريح لازم فيزا من السفاره

- جزر المالديف و مكاو بدون فيزا مجانا

- هونج كونج بدون فيزا ولكن ولكن ولكن بيتعمل تحقيق مع 90% من المصريين ف المطار هناك

كمبوديا فيزا اون اريفال وبيتعمل معاك نفس التحقيق زي هونج كونج

-لبنان فيزا اون اريفال ب 20 دولار ولكن يشترط يكون معاك 2000 دولار كاش عند الوصول

- نيبال و لاوس فيزا اون اريفال

- سيريلانكا و فيتنام فيزا الكترونيه .. وفي فيتنام بتدفع اونلاين وبتدفع كمان لما توصل المطار

------------------------------------------------------------

2- قاره افريقيا :

- غينيا وموريشيوس بدون فيزا مجانا لمدة 3 شهور

- زامبيا، مبدأيا دخول زامبيا للمصريين حاليا صعب شويه لكن الفيزا بتتعمل اونلاين من الموقع دة evisa.zambiaimmigration.gov.zm وبتدفع 50 دولار والاجراءات بتاخد من 4 ساعات ل 72 ساعه ولو اتوافق عليك بتتبعتلك ع الميل

- الجابون هتدخل ع الموقع دة evisa.dgdi.ga وبعدين تملي الابلكيشن وتملي بياناتك كامله وبعدين تحمل الاوراق المطلوبه اللي هي الباسبور و صور شخصيه بمقاسات معينه واخيرا بتعمل Submit

والاجراءات بتاخد 72 ساعه .. لو اتوافق عليك هيتبعتلك ايميل بالفيزا ستيكر وهتدفع رسوم الفيزا ف المطار هناك

والدفع بيكون اون اريفال بعد ما توصل المطار هناك في قسم ال e-visa sticker في المطار

الفيزا لو عايزها صلاحيه من شهر ل 3 شهور هتدفع 85 يورو

أما لو عايزها اكثر من 6 شهور هتدفع 200 يورو

- رواندا ، فيزا عند الوصول ب 30 دولار

- توجو ، فيزا عند الوصول ب 30 دولار لمدة 7 ايام فقط

- كينيا ، فيزا عند الوصول ب 50 دولار. ( ممكن تعملها اونلاين عادي )

- تنزانيا ، فيزا عند الوصول ب 50 دولار

- زيمبابوى ، فيزا عند الوصول ب 50 دولار لمده 3 شهور

- اوغندا : فيزا عند الوصول في مطار عنتيبي ب 50 دولار مدتها 3 شهور

** معلومه كثير ميعرفوهاش انك ممكن تدخل اوغندا و كينيا و رواندا زي الشنجن بالظبط بمعني تاخد الفيزا من بلد منهم وتدخل بيها باقي ال 3 بلاد .. ودي اسمها الفيزا الثلاثية متعددة الدخول East Africa tourist visa وبتعملها اما اونلاين أو من اي سفاره منهم وقيمتها من 100 ل 120 دولار وصلاحيتها 3 شهور

- مدغشقر، سيشل ، غينيا بيساااو ، دوله ارض الصومال ، كيب فيردى (الرأس الأخضر) .. كل الدول دي فيزا عند الوصول في المطار

------------------------------------------------------

3- امريكا اللاتينيه :

- الاكوادور بدون فيزا مجانا لمدة 3 شهور

-بوليفيا فيزا اون اريفال ب 50 دولار بشرط انك تروحها طيران وليس بري

مع تحيات محاميحو لسفر الغلابه وعامه الشعب