ما هو مجتمع مهندسين البترول (SPE)
نعرف الاول SPE اختصار لـ
(Society of Petroleum Engineers)
خلوا بالكم انها
Engineers NOT engineering
ودي نقطه مهمه ليه؟
المنظمة دي بتهتم بتطوير الطلاب نفسهم وتطوير مهاراتهم وبتوريهم الحياه العمليه بتكون ازاي.. وبتعلمهم ازاي يتواصلوا مع اشخاص تانيين سواء كانوا طلبة أو موظفين..
وبيتم انتخاب ال Officers سنوياً من قبل الطلبة.
نيجي للاسئلة المتكررة واللي هنجاوب عليها:
- مين مجتمع مهندسين البترول (SPE)؟
باختصار شديد هي أكبر منظمة للأفراد اللي بتخدم الطلاب والمهندسين والمديرين والعلماء والبروفشنال وموجودين في 147 دولة حول انحاء العالم
و337 student chapters
SPE ليها chapters في جامعات تانيه داخل مصر غير جامعة القاهرة، عندنا في الجامعة الأمريكية (AUC) و جامعة الازهر و الجامعة البريطانيه(BUE) وغيرهم..
-هل لازم اكون في تخصص البترول عشان اكون عضو؟
بالتأكيد لا، المنظمه دي بتضم اقسام كتير من داخل هندسه زي مدني و كيميا وغيرهم، ومن خارجها زي تجارة مثلا، أي طالب جامعي مرَحب بيه تماماً
لاننا بنقدم كمان non-technical committees & sessions
-هستفاد ايه لما انضم ليكم؟
الحياه مش دايماً بتكون في صفك، وبتحتاج مجهود كبير عشان تتغلب على صعوباتها وتحقق اهدافك.. وانت أو انتي كطلاب بتحسوا إنه عندكوا تشتت وانحرافات عن طريق تحقيق اهدافكم. احنا في SPE بنساعدكم انكوا تلاقوا شغفكوا وتوصلوا لاهدافكم وتضيفوا رصيد كبير لمعلوماتكوا ودة هيساعدكم في الدراسة وفي الحياة العمليه كمان ان شاء الله
مش بس كده، انت في اخر الseason بتاخد شهادة باسمك لمشاركتك في المنظمة معانا وكمان في هدايا للناس اللي بتتفاعل في ال committee بتاعتها .
دة غير المحاضرات والندوات المفيدة ليك وكمان حضور المؤتمر السنوي PACE هتعرف عنه اكثر في بوست تاني..
-لو قررت انضم ليكم، ايه اللي ممكن اقدمه؟
في 7 لجان او اقسام (Committees) تقدر بكل سهوله تختار انك تكون واحد منهم، وهم:
1-Social Media
2-Human Resources
3-Logistics & Fundraisng
4-Magazine Project
5-Exchange Project
6-Oil and Gas & Public Relations
7-Commercial Art (Media)
وللتفاصيل عن كل committee ممكن تبص عاللينك دا
-هل ممكن مشاركتي معاكم تأثر على دراستي؟
هتأثر اكيد لكن بالإيجاب هتقدر بسهولة توازن بين النشاط وبين دراستك ومذاكرتك، واحنا كمان بنوقف شغل مؤقتاً في أوقات الامتحانات يعني مفيش مشاكل
-هل في رسوم أو حاجة ادفعها للتسجيل؟
التسجيل والحضور مجاني تماماً مفيش أي رسوم
-ازاي اقدر اسجل عشان انضم ليكم؟
عن طريق اللينك دة:
){kind=link}
0 تعليقات