كتب: Mahy Elgebally
لكل الناس اللي بتسأل ايه هو الليد Lead هو ببساطة بيانات عميل مرشح قوي لاتمام عملية الشراء...
في كل الاعلانات الممولة لما بتبتدي تعمل ال campaign انت بتختار الأول الهدف منها
- تفاعل engagement
- رسائل messaging
- اعجاب للصفحة page likes
- وسيلة اتصال Lead generation
وهكذا
أغلب أنواع المبيعات بتختار أي حاجة غير الليد لأن المنتج أو السلعة بيبقى غالبا منتج استهلاكي أو خدمي بتكلفة مش عالية أوي وبالتالي انت كل ال techniques اللي بتستخدمها بتحاول بيها توصل لأكبر قدر من الناس اللي ممكن تهتم بالمنتج وتتحول لعميل ويتم عملية الشراء conversion
بأقل تكلفة تفاعل
CPE "Cost Per Engagement"
CPC "Cost Per Click"
ايه بقى الليد Lead?... الليد دة انت بتعمل إعلان بتحط فيه فورم بيانات يملاها العميل فيها بيانات الاتصال بيه...اسمه...ايميله....رقم تليفونه
امتى بستخدم الليد؟
بستخدمه في السلع اللي سعر بيعها عالي ومحتاجة لاتصال مباشر بالعميل علشان تعرض عليه مزاياها وعلشان ممثل المبيعات يقدر يعمل شغله ويتم عمليه البيع...
اديني امثلة بحتاج فيها الليد ؟
عقارات...سيارات...شاليهات....هكذا
طب ايه بقى مشكلة الليد؟
علشان الفيسبوك يوصلك لعميل مرشح بقوة فعلا للاهتمام بمنتج بالسعر دة ويملأ الفورم ويتم عملية الشراء فعلا لمنتج غالي كدة بيكلفك كتير...سعر الليد الواحدة بيبقى عالي جدا مقارنة لأي تكلفة تفاعل تانية في أي نوع من أنواع الحملات
CPL "Cost per Lead"
دة الشرح بأكتر شكل مسطح ومبسط بس طبعا الموضوع فيه تفاصيل أكتر كن كدة لأن الكينج هو الاستهداف بتاعك في ال targeted audience
0 تعليقات