كتب
Ahmed Mohamed
منحه Chevening البريطانيه هتفتح بعد 5 ايام كالعادة زي كل سنه وبتستمر لغايه 6 نوفمبر
ملايين يعرفوا المنحه دي وقدموا فيها بس اللي ميعرفش اي حاجه عنها يركز معايا عشان انا نجحت ف اول مرحله و وصلت لمرحله الانترفيو فيها قبل كدة
دي منحه بتمنحها الحكومه البريطانيه عشان تدرس ماجستير ف UK ف اي تخصص انت عايز تدرسه ( مش شرط تخصصك الاصلي ) لمدة سنه هناك
مميزاتها :
حرفيا عايزينك بشنطه هدومك! حرفيا
المنحه متكفله ب رسوم التعليم الجامعي هناك لمدة سنه
بيدوك راتب شهري ليك
تكاليف السفر من وإلى المملكة المتحدة عليهم
بدل الوصول وبدل مغادرة عليهم
حتي رسوم التأشيرة هما بيشيلوها من عليك
طيب ايه شروطها :
1- تختار 3 كورسات مختلفه في جامعه انجليزيه واحدة أو كورس دراسي واحد في 3 جامعات انجليزيه مختلفه
ويكون معاك قبول جامعي واحد علي الاقل من واحدة من ال 3 جامعات دول ويكون غير مشروط ويكون معاك قبل يونيو 2020
2- يكون معاك شهادة اجادة اللغه الانجليزيه .. اما ايلتس اكاديميك 6.5 توتال او PTE ويكون 45 أو تويفل ويكون 79
ودي مش شرط تكون معاك وقت التقديم لكن لازم تكون معاك قبل يوليو 2020 يعني قدامك سنه تمتحن فيها
3- يكون البكالريوس او الليسانس بتاعك المعدل بتاعه 2.1 اللي هو من الاخر تقدير جيد فقط ( لكن كل جامعه ليها متطلبات خاصه بيها من ناحيه التقديرات )
4- يكون معاك خبره لمدة سنتين ع الاقل .. خبرة العمل دي اما عمل بدوام كلى ,
أو عمل بدوام جزئى, أو تدريب مدفوع الاجر, أو تدريب غير مدفوع الاجر, أو خبرة تطوع
5- ترجع بلدك لمدة سنتين بعد السنه اللي هتدرسها هناك
المنحه دي من اهم عوامل قبولها اربعه Essay .. اربع مقالات لازم تظبطهم ..
اول essay عن ال Leadership
تاني essay عن ال networking
تالت essay عن ال choosen courses
رابع essay عن ال carrer plan
وقبليهم الجزء الخاص ب personal statement اللي هو انت ليه عايز المنحه دي وليه عايز تسافر UK اصلا عشان تدرس هناك ماجستير
0 تعليقات