الاقامة في اليونان للمصريين بـ 100 يورو فقط

كتب: ‎Hady Muhammed

المكان ده اسمه : Villa isabella

موقعه في جزيره Mykonos باليونان 🇬🇷

المكان ده عبارة عن ڤيلا فيها :

- ٧غرف نوم بهم ٨ سراير تكفي ل ١٤ شخص

- ٢ حمام و مظبخ بكل معداته

- فيها مكان Parking علشان لو اجرت عربيه او عجله للفترة اللي هتقضيها هناك

- و فيها BBQ Machine

- الڤيلا كلها مكيفه بالكامل

- و فيها Private pool باصص على البحر و الجزيره.

- فيه Spa و في تيليفزيونات و كل شى ممكن تحتاجه تحت بند الServices

- فوط و بشكير و شبشب يكفي الـ١٤ فرد

من الاخر كده كل شئ هتحتاجه للاقامة في اليونان هتلاقيه موجود عليك انك تشتري الاكل و تطبخه او تجيب اكل جاهز و الاسماك عموما في اليونان رخيصه جداً.

الليله في المكان ده ب ١٠٠٠ يورو و الناس اللي عندها اكونت Genuis Booking هتلاقي الليله ب ٨٥٠ يورو - يعني لو ١٠ صحاب مسافرين سوا كل واحد هيدفع من ٨٥ ل ١٠٠ يورو في الليله و يقضى احلى ٥ ليالي ب اقل من ١٠ الاف جنيه، او ممكن يكون حلو لأسرة مصرية كبيره طالعه سوا.

مقارنةً بسانتوريني و الجزر التانيه الغاليه في اليونان ده رخيص جدا و موقعه حلو جدا.

الجزيرة دي بتروحها من Athens بطيران اليوناني او طيران تاني اسمه Volotea حوالي ٥٠ دقيقه بالطياره و سعرها ما بين ٣٠ ل ٥٠ يورو على حسب اليوم و الميعاد، او ممكن بالمركب ٥ ساعات بسعر ما بين ٢٠ الى ٤٠ يورو.

طيران من القاهره لاثينا عموما ما بين ٤ الاف الى ٦ الاف شامل الشنطتين و بتختلف على حسب اليوم و تقدر تحدد ارخص وقت من Skyscanner

ملحوظه : ده مش للناس اللي بتحب تسافر باقل التكاليف زي حالاتي ولا للCouples اللي معاهم ميزانيه عاديه - البوست للناس اللي بتدفع مبالغ مضاعفه في اماكن زي سانتوريني وغيرها من الجزر و و ارخص كتير من اسعار بنسمعها في الساحل حالياً و للعائلات اللي بتسافر سوا .