كتب : Adnan Antar
خلاصه 4 سنين ك English instructor :
======
اولا: وهيا ان الناس بشكل عام مبتحبش تسمع او تعرف الحقيقة ، يعنى الناس مش هتحبك خالص لو قولتلهم ان سبب فشلهم او عدم تحقيقهم لهدف معين هوة غباءهم او كسلهم او قعادهم على الفيس بوك بلساعات مش بيعملوا حاجة ، وبيفضلوا اوى انهم يأمنوا ان سبب فشلهم هوة مصدر خارجى ملهوش علاقة بيهم اطلاقا وطبعا دة بينطبق على الأنجليزى وروبرت جربن كان شرح النقطه دى بلتفصيل في كتاب قواعد السطوة
ثانيا: الحقيقة دايما بتكون متعبة ومرهقة ومحتاجة مجهود كبير ، يعنى عشان تحقق نجاح فى حاجة معينة بيكون فية تمن وبيكون متمثل فى التعب والمعاناة .
عشان كدة لما حد بيجى يقولى عايز اتعلم انجليزى واقولو ان المعهد الامريكي للغات ، المعهد اللي بيدرب السفراء الأمريكيين على اتقان لغات العالم .. الناس دول قالوا انك علشان توصل لمستوى متوسط في لغة قريبة من لغتك الام انت محتاج من 600-750 ساعة دراسيه على الاقل ففجأه تلاقى الطالب تنح كدة ( Can't Handle the Truth)
ثالثا: ودة اللى خلى Centers كتير فى مصر تفتح وتقولك احنا هنعلمك انجليزى بطريقه التكيف العصبى وطريقة السمع احادى المحتوى ومؤخرا الغمر الكلى وأى اسماء وهمية المهم انها توحيلك انها "حاجة مهمة " ودة استغلالا لعدم علم الناس و كمان الناس مش بتقرأ فبلتالى مفيش اى ادوات للحكم على كلام السنترز والطالب اللى بيستهدفو اصلا غلبان وبينبهر بأى حاجة، انطقلو مثلا water واطر هينبسط، والسنترز بتستغل جهل الناس وبتهبد براحتها وخد عندك بعض المغالطات المنطقيه اللة بيتم استعمالها في التسويق. م
مثال: أثبت العلماء ان الانجليزى واهبد براحتك( أى علماء؟)
أكدت الدراسات وحط هبدة بردو( فين دراسات؟)
أكدت المصادر..( أى مصادر؟)
أثبتت الأبحاث العلميه (فين الأبحاث دى )
طبعا هنا هيبقى اعتماد السنترز الرئيسى على ان الجمهور اللى انت بتخاطبة مش بيقرأ وبلتالى هيبقى سهل التلاعب بيه وأقناعه بأى Bullshit .
بلمناسبه النقطه بتاعت اكدت الابحاث وعملنا ابحاث، دى مغالطه منطقيه اسمها ( الاحتكام إلى السلطه الزائفه)
سايبلك معلومات عنها في التعليقات
رابعا: اصرار مراكز تعليم اللغه الغريب على انهم بيعلنوا انهم هيعلموك فى 3 شهور او 6 او ايا كان الرقم. والاجمد انو يقولك احنا عملنا أبحاث نقول تانى( الدراسه الخاصة بمعهد اللغات بتقول 700 ساعه قسمها انت بقى وشوف )
خامسا: نسبة مش قليلة من المدرسين اللى بيدرسولك انجليزى بيكونوا مش مؤهلين اطلاقا انهم يدرسلو ونتيجة لزيادة الطلب من المصريين على اللغة السنترز بقيت تعين طلبه جامعه و اى واحد معدى من الشارع يدرس " كلوا بياكل عيش"،
سادسا: السنترز بقيت تعمل اللى يريح الطالب مش اللى ينجحه وهنا فية فرق كبير ، يعنى انت كطالب انا ممكن اعملك اكتيفتى وانت فرحان وهوبا لعب وحركات وانت مبسوط ومتكيف بس المحصلة صفر يعنى انت مش بتستفاد اى حاجة " انا بس ببسطك"
سابعا: فية بعض الطلبه بتتعامل مع السنتر على انو مكان اجتماعى بيجى يشرب قهوة فية ويخرج مع اصحابة ولا بيذاكر ولا غيره :)
ثامنا: 80 فى الميه من مراكز الكورسات بيسوقوا لمجرد التسويق ومرة واحد صاحب مجموعه سنترز شهير قالك ( انا مليش دعوة بجودة المنتج اطلاقا ، انا ليا دعوة انى اخلى العميل يجرب المنتج) يعنى انا بسوق بغض النظر انا بقدم ايه اصلا ( بيعتبر الخدمه نفسها شكليات )
0 تعليقات