تسريح شعر الاطفال بالطريقة الصحيحة

كتب : عمرو حجازي

اليكم مجموعة من النصائح الهامة جدا للحفاظ على صحة شعر الاطفال وتجنب الاخطاء الشائعة عند القيام بتسريح الشعر للاطفال 

1- متسرحش شعرها بعد الشاور مباشرة نهائى لان فيه روابط هيدروجينيه بتتكسر بالميه...فالشعر يطلع فى المشط لانه بيكون فى اضعف حالاته والصح ننشف الشعر بلطف بحيث يكون رطب برضه ونبدا تسريح

2- متثقش باى معلومه عالنت ..زى انها تسيب الزيت على شعرها خمس او ست ساعات ودا غلط والصح ان اقصى مده لحمام الزيت هو ساعتين وتلبس بونيه عشان الزيت بيتاكسد ويزنخ ويسبب قشره ويسد مسام الفروه

3- الفرق بين حمام الزيت وحمام الكريم والبلسم:

حمام الزيت ممكن يتحط عالفروه والشعر ومغذى ومفيد لتساقط الشعر مدته ساعه لساعتين ويغسل .

حمام الكريم يتحط عالشعر بس ومفيد فى الترطيب ومدته خمس دقائق فقط ويغسل .

البلسم يتحط عالشعر بس ...ووظيفته الترطيب واعادة حموضة الشعر ومدته دقيقه بس ويغسل

4-  الشعر الياف ميته مبيتغذاش الا من البصيله بتاعته فمحدش يقولك انا هابيعلك بلسم مغذى وتصدقيه لان البلسم بيتحط عالشعر مبيوصلش للبصيله ..فمش بيغذى ولاحاجه لكن بيعادل حموضة الشعر بس ..ويديله لمعه

5- لو لقت حشرات فى شعرها فمتخفش ومتقلقش لان دا مش قلة نظافه ولكن عدوى من الاخرين وعلاجه سهل بمستحضرات ليسيد او نايدا ...او افرزين...وبلاش اى تركيبات مجهوله من العطارخطر جدا.

6- تحب شعرها زى ماهو ومتبصش لزميلاتها فى المدرسه...لكن تعتنى بيه وتغذيه ومااجمل الشعر الكيرلى الراءع ..كل المشهورين بيحولوا شعرهم كيرلى...واللى بيفرد بروتين شعره بيقع خالص ...لان البروتين فرد بس مش علاجى..فيبقى عندك شعر ولا تفردى ويقع !!

7-  لو مامتها قالتلها تعالى ياحبيبتى افردلك بروتين ...تقولها لا يامامى لو سمحتى انا حابه شعر بطبيعته

لان سمعت عمو عمرو بيقول فى البوست ان البروتين مش علاجى وبيوقع الشعر ...للتاكيد 

8- اننا نقص اطراف الشعر كل تلات شهور عشان نحافظ عليه من التقصف ..وناكل البيض خصوصا المسلوق عشان فيه فيتامين البيوتين الرهيب لتطويل الشعر وتغذيته

9- انها لما تدخل المطبخ وتلاقى ماما صوابعها بتحرقها من الفلفل وهى بتقوره...تجرى فورا عالتلاجه تجيبلها لبن 

وتحطه على ايديها....لان الميه فى الحاله دى غلط وبتزود حروق الفلفل