كيف تبدأ التسويق الالكتروني بالطريقة الصحيحة

نصايح اتمنى انها تفيدكم لـ تبدأ التسويق الالكتروني بالطريقة الصحيحة

1 – افهم تسويق الاول

التسويق على الانترنت بكل اشكاله وانواعه فى الاول والاخر يعتبر اداه من ادوات التسويق وفرع منه بشكل عام فعشان تعرف تشتغل صح ى الفرع ده وتنجح فى استخدام الاداة دى لازم تفهم الاصل كويس جدا اقرأ عن التسويق كويس جدا هيساعدك ويطور من فكرك كتير جدا فى شغلك

2 – اتعلم الاداه اللى هتستخدمها فى التسويق كويس جدا 

الاداه هنا اقصد بيها السوشيال او السيو او الاعلانات او حتى الافيلييت 

اى طريقه هتسخدمها ايا كانت لازم تتعلمها كويس جدا – ودى مشكله عن ناس كتير للاسف – انهم يشتغلوا بأداه معينه من غير ما يتقنوها بشكل متكامل 

3 – اعمل تحليل لعميلك قبل ماتبدأ معاه 

متفرحش ان جالك شغل وتقول يلا هبدأ شغل من النهارده 

لازم تعرف كل التفاصيل عن عميلك والخدمه او المنتج اللى بيسوقهم وايه نقط القوه والضعف عنده وقوة تواجده على الانترنت بشكل عام – وهل ليه تواجد اصلا ولا لأ - والادوات اللى هيوفرهالك من ناس متخصصه بتكمل شغلك – زى الديزاينر على سبيل المثال – وميزانيته الاعلانيه مناسبه لمجاله وقوة نافسينه ولا لأ عشان فى عملاء لو اشتغلت معاهم على وضعهم من غير ماتدرسهم كويس هيكون ده اول سبب لفشلك

4 – تحليل المجال بتاع عميلك وجمهوره المستهدف

بعد ما بتدرس عميلك كويس جدا بتدرس بقى مجاله بشكل عام على الانترنت ومنافسينه وايه نقاط القوه والضعف عندهم وايه المميزات التنافسيه اللى هتقدر تتفوق بيها عليهم – على الاقل يكون عندك ميزه تنافسيه واحده تلعب عليها – 

5 – افهم طبيعة شريحتك المستهدفه 

وده هيخليك تحدد حاجات كتير جدا منها ايه المحتوى اللى هيبقى مناسب ليه وطريقة عرضه وهتعرف تجذبهم ليك ازاى وهتسوقلهم على الانترنت فين وازاى لان كل شريحه وليها الطرق والمنصات اللى هتستخدمها عشان توصلهم او هما يوصلولك وده هيخليك تقدر تقدم المناسب ليهم دايما 

6 – التحليل المستمر

التحليل وفهم الارقام اللى بتكون موجوده فى شغلنا حاجه مهمه جدا جدا سواء الارقام اللى بتدل على اداء التسويق بتاعنا فى المنصات والحسابات اللى بنشتغل عليها او الارقام بتاعت الاعلانات وتقارن الارقام االجديده بالارقام اللى كانت قبلها من فتره عشان تشوف انت نتايجك بتتحسن ولا لا 

حتى تحليل منافسينك ومتابعتهم باستمرار بيفرق جدا جدا فى شغلك 

7 – اشتغل باستراتيجيه وخطط واضحه 

من اكتر اسباب النجاح انك تكون عامل استراتيجيه لشغلك ليها اهداف واضحه ومحدده بتوقيت زمنى وفاهم كويس جدا هتقدر تنفذها ازاى وايه الخطط اللى هتساعدك فى تحقيق اهداف الاستراتيجيه 

ودى اكتر غلطه الغالبيه من المسوقين – ايا كان تخصصهم ايه – بيقعوا فيها انه يشتغل من غير ما يكون عارف ايه الخطوات اللى هيمشى عليها عشان توصله لاهداف عايز يحققها 

8 – متابعة التحديثات 

مجالنا فيه تحديثات مستمره بشكل يومي تقريبا فلازم تتابعها وتكون ملم بيها باستمرار لانك لو تجاهلتها فانت لشكل كبير بتضيع نفسك مع الوقت وهيجى عليك وقت تلاقى نفسك متأخر عن اغلب اللى حواليك

9 – افكارك تكون جديده 

حاول دايما تكون افكارك جديده ومبدع ايا كان تخصصك ايه لان ده اكتر حاجه هتميزك فى كشخص فى المجال 

10 - Google it

اى حاجه من اللى قولتهم عايز تعرفها كويس اعمل عليها سيرش على جوجل واليوتيوب وده اللى بنقول عليه Google it لو اتعودت تستخدم جوجل واليوتيوب فى انك تطور من نفسك وتعرف ايه االجديد الموضوع هيفرق معاك جدا على المستوى الشخصى وعلى مستوى شغلك ونتايجه 

كتب

Mohamed Elahlawy