بـ 10 جنيه فقط .. استمتع مع فرقة التنورة التراثية بوكالة الغوري
خروجة جميلة ب 10 جنيه وهتعملك حاله جديدة وهتبقى مبسوط ..
عرض التنوره بيبقى كل سبت واتنين واربع من كل أسبوع ..
والمكان ككل اللى اساسا كتحفة يساوى أكتر من ال ١٠ جنية بكتير
فى ناس كتير فاكرة أن عرض التنوره زى اللى بيتعمل فى شرم الشيخ والمراكب النيليه ..لأ خالص دة فن وفن ليه دراسه كمان حتى العارضين بيبقوا شغالين تبع وزارة الثقافة ...
أنت أول ما بتوصل وكالة الغورى بتقطع التذكرة ب ١٠ جنيه ... ممكن بقى تروح من بدرى شوية علشان تلحق لأن العدد ببيقى محدود أتوقع تقريبا القاعه سعتها 250 فرد ..
المهم بقى كمان أن وكالة الغورى نفسها تعتبر أثر مهم جدا وأنت قاعد حاول تركز فى تفاصيلها وشكلها قبل ما تنبهر بالعرض ..
العرض مدتة حوالى ساعه ونصف بيبدأ الساعه ٧ مساء متقسم ل 3 فقرات بس الفقرة التالته فى رأينا هى أهم وأجمل فقره .. ( كان معانا حد أجنبى أنبهر جدا جدا جدا لأقصى درجة والتيكت بتاع الاجانب ب 75 جنيه )
مفيش تليفون للحجز ومفيش حجز قبلها لازم الحجز فى وقت العرض ... والتصوير عادى جدا سواء بالموبايل أو بكاميرا بروفيشنال بس ممنوع تصوير الفيديو
المكان : أركب اى حاجة رايحة كوبري الأزهر وتنزل عند الغورية قدام جاد بتاع الفول .. وكالة الغوري في شارع صغير هناك.
0 تعليقات