كيف تهاجر بدون اثبات لغه (الايلتس) او اثبات حساب بنكي

كيف تهاجر بدون اثبات لغه (الايلتس) او اثبات حساب بنكي

كتب

Ahmed Mohamed

اكبر مشكله بتواجه الناس في الهجره انهم بيكونوا محققين كل الشروط المطلوبه وبيتكلموا انجليزي كويس جدا جدا لكن للاسف مش عارفين ينجحوا في امتحان السبوبه العالميه الشهير بامتحان الايلتس 

.

انا اعرف ناس بيكونوا جايبين مثلا 8885 ويوقعوا في جزء من الاجزاء وطبعا تضطر تدخل الامتحان مرة تانيه وتالته وتدفع 2600 جنيه في كل مرة .. والساعه ب 5 جنيه والحسابه بتحسب .. سبوبه من احلي السبوبات في التاريخ 

.

ولو اتخلصت من المشكله دي بيتفضل قدامك عقبه اكبر وهي الحساب البنكي اللي بيكون مطلوب منك وانه يكون معاك بالاف الدولارات شرط اساسي عشان تهاجر 

.

انا النهاردة جبتكلم كل التفاصيل ال تخليكم تهاجروا من غير لا اثبات لغه ولا اثبات حساب بنكي

------------------------------------------------------------------

المقاطعه الوحيدة في الكوكب كله اللي مش بتطلب منك اي ايلتس او اي اختبار فرنساوي اجباري للهجره هي مقاطعه كيبيك في كندا

ودة لينك رسمي فهمي نظمي من المقاطعه نفسها ال بتثبت فيه انها مش بتحتاج اي اختبار لغه 

http://www.immigration-quebec.gouv.qc.ca/…/language-knowled…

ناس كتير طلعت اشاعه ان في 2018 النظام هيتغير ويخلوا الفرنساوي اجباري لأي حد عايز يقدم .. لكن طبعا كل الكلام دة طلع هلس وتضليل كالعادة 

.

شرطهم الوحيد انك تحقق النقط المطلوبه للهجره .. بحد ادني 50 نقطه للأعزب و59 نقطه للمتزوج

والنقط دي متوزعين علي كذا عامل وكل عامل له النقط بتاعته : 

- المؤهل الدراسي والتخصص

- خبرة العمل

- السن

- اللغة

- نقاط الشريك 

- الروابط مع المقاطعة ( سواء درست هناك أو في عائلة أو فرد منها مقيم فيها)

- عقد العمل 

- نقاط الأطفال و التعهد المالي

بس خلي بالك تجمع 43 نقطه اجباري لو اعزب ( او مُطلق او ارمل ) .. و تجمع 52 نقطه اجباري لو متزوج من غير نقاط الأطفال و التعهد المالي ..

وبعدين نقط الاطفال والتعهد المالي هيتضافولك كدة كدة اولريدي بعد ما تقدم

.

وعشان تحسب النقط بتاعتك وتشوف انت هتقدر تجمع النقط من غير لغه ولا لأ .. ادخل علي اللينك دة

https://www.canadavisa.com/quebec-immigration-skilled-worke…

هتدخل ع اللينك وتجاوب علي كل الاسئله وعلي اساسها هيحسبلك الاسكور بتاعك وتشوف هتقدر تجمع النقط من غير لغه ولا لأ 

.

بالمناسبه اللينك دة مش رسمي .. اللينك الرسمي من المقاطعه عباره عن PDF بالفرنساوي .. 

قومت عملت سيرش طويل اكثر من ساعه علي جوجل عشان الاقي بديل تقدروا من خلاله تفهموا الكلام وتستوعبوه .. ولقيت اللينك المعجزة ال فوق دة .. هتحسب درجاتك وانت واقف .. في اقل من 10 ثواني .. من غير ما تتعب نفسك وتفهم نظام النقط ولا تترجم كلمات فرنساوي ولا تحمل pdf ولا اي هري من دة ..

ملحوظه : البكالريوس ف اللينك اسمه : 

Undergraduate diploma 3 years or more

----------------------------------------------------------

يا دكتور احمد معلش ثانيه .. بس صعب اوي اوي اوي نجمع النقط دي من غير لغه الا في حاله لو معانا عرض عمل او لينا قرايب في كيبيك ؟؟ 

.

مش صعبه ولا حاجه .. ناس كثير بتعرف تجمع النقط بتاعتها من غير اي لغه ولا اي عرض عمل ولا اي اقارب .. هديك مثال لحاله من ضمن ملايين الحالات

واحد معاه بكالوريوس علوم حاسب فهياخد بكالوريوس 10 نقط 

تخصص 12 نقطة 

خبرة 48 شهر 8 نقط 

عمره 34 سنة فهياخد 16 نقطة

زوجته بكالوريوس علوم حاسب فهتاخد 3 نقط بكاوريوس ..

4 نقط تخصص .. 

عمرها اقل من 35 فهتاخد 3 نقط ..

عندهم طفلين اقل من 12 سنة فهياخدوا 8 نقط

قدرة مالية هيخدوا نقطة (1)

.

هيبقى المجموع 64 نقطة والمطلوب في كيبك 59 نقطة

يعني حتى لو زوجته مش هتاخد حاجة في المؤهلات المطلوبة area of training

برضه هما معديين المطلوب بنقطتين

دي حاله واحدة فقط ومجرد مثال .. تخيل 7 مليار بني ادم علي الكوكب .. ب 7 مليار حاله و وضع .. عايز تحصرهم كلهم بكل الحالات والملايين من الناس وتقفلها في وش كل الناس لمجرد ان سيادتك ومعاليك مش عارف تجمع النقط من غير لغه ؟ اكسيكيوز مي دارلينج اتس فاكينج ديس جاستيد

----------------------------------------------------------

ياعم احمد كيبيك دي بتقعد بال 6 سنين علي ما تاخد دعوة من المقاطعه وتسافر يكون شعرنا شاب وسنانا وقعت

.

ابشر .. بعد التعديل الجديد في اغسطس 2018 بقي متوسط الوقت ال هتاخده عشان تاخد الدعوة من المقاطعه بقي 12 شهر بدل من 32 شهر

يعني حصل اختزال ل اكثر من نص الوقت في فحص الملفات وبقي عشان تهاجر ل كيبيك هتاخد حوالي رينج سنتين بدل من 4 او 5 سنين

------------------------------------------------------------------- 

في مشكله تانيه يا دكتور انت مش واخد بالك منها .. كيبيك لما بتفتح نتيجه ان شروطها سهله بيكون عليها ضغط رهيب ومبنلحقش نقدم اساسا حتي لو مستوفيين كل الشروط!!

.

.. بعد التعديل الجديد في اغسطس 2018

هجره كيبيك بقت بنظام ال EOI اختصار ل ( expression of interest) قبل مرحله ال مون بروجيه طبعا يعني هتقدم طلب الاول انك مهتم انك تهاجر للمقاطعه الاول وعايز تعيش هناك

مبقتش خلاص بنظام اللي يلحق زي فراخ الجمعيه اللي بنسميه

ال ( first come first servied ) .. اتلغي النظام دة للابد

يعني كيبيك في 2018 بقت الاولويه حاليا للي نقطه اعلي .. زي الاكسبريس انتري كدة بالظبط .. مش للي عرف يقدم بسرعه ولحق التقديم

--------------------------------------------------------

ابو حميد معلش انا مبحبش كيبيك عشان بخاف اقدم وادفع رسوم الملف والملف يترفض وهوب اخسر فلوسي اونطه ؟؟

.

 ابشر

بعد التعديل الجديد في اغسطس 2018 النظام اتغير وبقي النظام الحالي اسمه Arrima ودة هيخليك تعمل ملف ال EOI عندهم ويكون Free Of Charge يعني مجانا من غير اي فلوس 

---------------------------------------------------

طيب يا دكتره هو فعلا كيبيك مبتطلبش اي حساب بنكي ؟؟ 

.

الاكسبريس انتري لهجره كندا بيطلب منك شرط اجباري انه يكون معاك 12 الف دولار كندي للفرد الرئيسي ال هيقدم علي الهجره ويكونوا موجودين في حسابك البنكي لأخر 6 شهور مش مجرد تحط مبلغ وتسحبه وخلاص

والمبلغ بيزيد مع زيادة عدد الافراد ال هيقدموا ممكن يوصل ل 18 و 20 الف دولار كندي لو انتوا 4 او 5 افراد .. فالموضوع تعجيزي يعني 

.

اما كيبيك مبتحتاجش اي حساب بنكي 

بتمضيك علي اقرار تقولك فيه احلفلنا والنبي ياعم انك هتعرف تصرف علي نفسك وانت هناك في اول 3 شهور 

( ناس طيبين اوي يا خال )

----------------------------------------------------------

طيب يا احمد هي المقاطعه دي هتفتح امتي عشان اقدم بقي ؟

المقاطعه اعلنت انها هتفتح في سبتمبر الجاي يعني الشهر الجاي مباشره ودة لينك الموقع ال هتقدم عليه لما تفتح

http://www.midi.gouv.qc.ca/…/…/communiques/com20180817c.html