تجربة سيئة .. احذر من الحجز في فندق خليج دهب
Dahab Bay Hotel
عاوز اقولكوا عن تجربتي السيئه في فندق حجزته عن طريق موقع
booking.com
الفندق ده حجزته علشان لقيته واخد 8.2 معرفش بناءا عن ايه والصور بتاعت الفندق كانت كويسه جدا وفي مكان هادئ
المشكله تتلخص في الاسباب الاتيه
1-الفندق بعيد جدا عن وسط البلد او الممشى
2-اول ما وصلنا لقينا لقيته قعدني في اوضه غير اللي كنت حاجزها بيقولي عقبال ما بتاعتك تفضى ع الرغم اني واصل في معاد الدخول
3- الفندق في حته هاديه جدا شبهه مقطوعه
44-كلاب كتير في كل حته لدرجه انهم بيطلعوا فوق للدور التاني فانا كنت باكل انا والمدام طلعولنا والمدام صرخت بس محدش من اللي شغالين من الفندق جالنا
5-الملايات وسخه وفيها بقع
6-مفيش خدمه غرف
7- الحمام بشع والميه السخنه مش شغاله والسخان لازقينه
8-باب البلكونه بايظ مبيقفلش
9- باب الاوضه بايظ لازم تقفله وتفتحه بالمفتاح
10-اللمبات مش شغاله
11-التلفزيون مش شغال
12-سعر الغرفه كان 790 جنيه في الليله (غالي جداا مقارنا باسعار الفنادق هناك في دهب )
122- كان جيبلنا اكل عباره عن فراخ مش مستويه وفيها دم من جوه
طبعا انا لما شوفت كده قررت مستناش في الاوضه ففي صباح اليوم التاني طلبت امشي قالي فلوسك بتاعت الاربع ايام هاخدها مش من حقك ترجلعلك المهم بعد ما قولتله ع اللي حصلي قالي هرجعلك يوم واحد بس اللي هوا انا دافع 3200 جنيه رجعلي 800 جنيه بس
اسوأ كابوس عيشته في حياتي اتمنى محدش يعيش او يشوف اللي شوفته
تجربة : محمود عبد العاطى
0 تعليقات