كورس تعلم نطق الكلمات الانجليزية بالصوت والصورة

كورس تعلم نطق الكلمات الانجليزية بالصوت والصورة

لو محتاج حصيلة كلمات و نطق صح و كمان مصطلحات و حد يقراهم لك واحدة واحدة و براحة  يبقى مفيش غير عمك A.J Hoge ... المحاضر العالمي - حرفيًا - اللي ليه 3 كورسات كاملين بصوته و باسمه.

جبتلك منهم كورس كامل و رفعته ع الميديا فاير - .. الكورس ده كامل, مجموعة ملفات pdf مع القراءة البطيئة ليها و شرح الكلمات الغريبة ف اخر الملف 

تاخدلك ملف تعيش معاه كل يوم 

الكورس من هنا

ازاي تذاكر الكورس ده؟

- هتفتح الملف و تشغل معاه الصوت بتاعه و تعرف نطق كل كلمة صح.

- هتلاقي شرح الكلمات الغريبة بالانجليزي ف اخر الملف ( اقراه كويس)

- ترجم الكلمات الغريبة انجليزي انجليزي - و ولو معرفتش يبقى انجليزي عربي عادي.

- افضل اسمع لحد ما يبقى سهل جدا بالنسبة لك .. و بعدين ردد وراه زي ما بيقول بالظبط - حتى طريقة الكلام و تون الصوت.

- استمر على كدة كل يوم لحد ما تخلص الكورس و شوف مستواك هيبقى ازاي ;)

طيب انت بقيت تمام و محتاج يبقى عندك خلفية علمية و عايز تفهم انجليزي بطريقة اكبر و تسهل الدنيا عليك ف فهم اللغة عموما و فـ حياتك اليومية خصوصا.

يبقى عليك و على قناة Engvid على اليوتيوب - و اختار المحاضر اللي ترتاحله و عيش معاه.

و لو هنصحك بنصيحة فـ حياتي في تعلم اللغة هتبقى 

" شوف فيديو واحد ع الاقل من engvid يوميا حتى لو فاهم 300% بس "

أخيرا :

في مقولة بتقول:

read to write, Listen to speak

فـ لو انت مش عارف النطق الصح للكلمة .. لا هتعرف تفهمها لما تتقال ولا هتعرف تنطقها صح لما تحب تقولها 

و عشان كدة جبتلك  حد متميز جدا فـ تعليم الـ American accent و شرح خفايها و اهم مهاراتها.

Rachel English ع اليوتيوب من القنوات العظيمة جدا 

تابعها و شوف فيديو واحد منها كل يوم و ردد وراها و حاول تطبق ف اي كتاب انجليزي بتدرس فيه او قدامك.

ملحوظة: 

انت تقدر تعمل التلات اجزاء اللي في البوست و تحرز تقدم كبير جدا 

كل اللي هتحتاجه .. ساعة واحدة يوميا  

Dr. Englishh دكتور انجليش