الفرق بين الفري لانسر الناجح والفري لانسر اللي بيتعب بدون ناتج

الفرق بين الفري لانسر الناجح والفري لانسر اللي بيتعب بدون ناتج

ايه اللي بيفرق بين الفري لانسر الناجح والفري لانسر اللي بيتعب بدون ناتج ؟

المهارة ؟ الاقدمية ؟ الابداع ؟ .. ازاي ناس قدرت توصل في شهور لنتيجة افضل من الناس اللي بقالها سنين بتعاني في المجال ؟

واحيانا حتى بنشوف ناس شغلها متواضع (شغل سوق) بتحقق نتايج افضل كتير من ناس مبدعة ..

الموضوع مش صدفة ولا حظ ... حاولت اعرف اجابة السؤال ده بإني اتقابل مع انجح الفري لانسرز في مصر ولقيت بيننا كلنا حاجه مشتركة اسمها .. "الطرق المختصرة".

مش معنى انك بتبذل مجهود كبير انك ماشي في الطريق الصح .. ممكن تبقى بتبذل جهد قليل وبتشتغل وقت قليل بس بتستغل كل ثانية فيه وبتستخدمها الاستخدام الامثل .. بالظبط كأنك في المدرسة وبتدرس كل سنة 10 مواد , بتستفيد من ال 10 مواد ب 1% معلومات هتحتاجها في حياتك وال 99% هتضيع فيهم وقت ومجهود بدون فايدة او ناتج .. لما ناس كتير عرضت عليا موضوع الكورس بما فيهم ممثلين لشركات برمجة مكنتش قابل الفكرة عشان حابب يبقى تركيزي كله في شغلي بس لما اتجمعت مع الناس الناجحة في المجال ده لقيت حاجه تانية مشتركة بيننا الا وهي ان بيجيلنا كمية اسئلة كبيرة جدا بتعدي احيانا ال 200 سؤال في اليوم في مجال الفري لانس سواء على الفيس او الواتس واحيانا حتى اتصال .. عشان نرد على الاسئلة دي كلها كل واحد لوحده يبقى مش هنلاقي وقت لشغلنا وبرده لو سيبنا شغلنا مش هنلاقي وقت نخلص فيه كل الاسئلة (الدراسات اثبتت ان اليوم عبارة عن 24 ساعه بس)

قررنا نعمل كورس مختلف , الكورس مختلف عشان مش مبني على كلام ونظريات الكورس مبني على تجارب كل واحد فينا اللي وصلته لأفضل نتيجه في اسرع وقت , وجزء اساسي من الكورس هيبقى دراسة كل تجربة من التجارب دي من مرحلة " انا ابيض معرفش حاجه " لمرحلة " انا مش هعرف استقبل شغل اكتر من كده انا محتاج تيم يشيل معايا شغل "

سواء كنت لسه متعرفش حاجه في المجال او مبتدىْ او محترف او حتى شركة كاملة قايمة على مجال الفري لانسنج .. الكورس ده هيبقى متخصص بس في الفريلانسنج بكل المتاهات بتاعته .

الكورس هيبقى شامل المجالات دي بس :

1- Graphic Design

2- Web Design / Development

3- Digital Marketing

4- Translation

5- Writing Essays

كل مجال هيبقى ليه مجموعة خاصة بيه وقاعة خاصة بيهم وهيستلموا الماتيريال اللي كل واحد فينا عملها بنفسه وحط فيها خلاصة تجاربه وخبرته..

اول محاضرة هتبقى مجانية تاخدوا فيها فكرة عامة عن الكورس وتقرروا على اساسها هتكملوا في الكورس ولا لا ..

ملحوظات :

*مدة الكورس 11 محاضرة

*الكورس هيبقى في القاهرة مش هنقدر نروح محافظات تانية :/ 

*سعر الكورس 1000 جنيه شامل الماتيريال اللي هنشتغل منها.

*حضور الكورس بيبقى بحجز مسبق عن طريق انك تملى الاستمارة اللي في اللينك وحد هيكلمك يبلغك مكان الكورس بالتحديد ومعاده.

لينك الاستمارة:

https://docs.google.com/…/1FAIpQLSdJXA6eO_19FFuhE9…/viewform

كتب

Hossam Shreef