خطوة بخطوة.. الحصول على منحة مدعمة بالكامل للدراسة بالخارج
منح لطلاب الثانوية العامة
كتب
Mostafa Darsh
نتيجة الثانوية طلعت وفي ناس كتير بتسأل عن المِنح اللي ممكن يقدموا عليها ويسافروا يتعلموا خارج مصر في جامعات عالمية بمختلف دول العالم. ده تجميعة للطريق بتاعك من أول دلوقتي خطوة بخطوة لحد ما تلاقي منحة.
أنت كطالب لسه طالع من الثانوي قدامك خيارين، لإما تدرس في جامعة خاصة بمصاريف كبيرة جدًا ممكن توفرها وتدرس في مكان وجامعة أفضل خارج مصر، وإما إنك تدخل جامعة حكومية في مجال أنت مش حابه.
لكن في طريق تالت إنك ممكن تحصل على منحة كاملة مدعمة بالكامل وسط آلاف المنح اللي بتنزل كل سنة لكل الطلاب من دول العالم. هتكلم هنا بالتفصيل عن المنح المجانية للطلبة اللي انتهوا من الثانوية العامة:
.
11- أول حاجة هتعملها إنك تبحث في كل المنح المتاحة عن أنسب حاجة منهم ليك، وتختار منحة أو اتنين، بس، تركز عليهم كل مجهودك في الأيام الجاية وتظبط كل أوراقك اللي هنتكلم عنها وتقدم عليهم.
.
22- قبل ما تقدم على أي منحة، في كام حاجة هتحتاجها علشان تقوي فرصك في الحصول على المنحة، ده بوست شامل لأغلب المتطلبات المهمة اللي هتحتاجها وأنت بتقدم على المنحة: https://goo.gl/F9f9uB
.
3- عرفت اللي مطلوب منك بشكل عام، دلوقتي هتبدأ تدور على أنسب منحتين أو 3 منح متاحين ليك، ودول هتلاقيهم هنا: ده أكبر تقرير شامل اتعمل للمنح باللغة العربية في كل المجالات، اقرأه بدقة كبيرة واختار المنحتين الرئيسيتين المناسبتين لك وبناءًا عليهم ابدأ جهز أوراقك.
ولتجاوز الحجب حط اللينك هنا: https://goo.gl/SLbA5E
.
44- من وجهة نظري الشخصية، ونصيحة بقدمها لأي حد حابب يطلع منحة، أنسب وأوفر وأفضل منحتين قابلوني هما المنحة التركية والمنحة الكورية. بينزلوا كل سنة وبشروط سهلة وممكن تقعد سنة واحدة بس تحقق كل متطلباتهم وبعدها تسافر مستريح تدرس هناك.
هنا تفاصيل كاملة عن المنح الكورية: https://goo.gl/pbNw6o
وهنا عن المنحة التركية: https://goo.gl/0lpXJ8
.
5- علشان أوفر عليك وقت كبير في رحلة البحث، التزم بال55 مواقع دول وهتلاقي عليهم كل المنح اللي بتحلم بيها: ساسة بوست قسم المنح، أراجيك\المنح الدراسة، موقع فرصة، موقع hotcourses , موقع علماء مصر.
ادخل كل يوم عليهم ساعة واحدة هيبقى عندك معرفة كبيرة بأغلب المنح الموجودة على مستوى العالم.
.
66- ألمانيا كمان من الدول اللي بتنزل منح دراسة، ده جروب للمصريين في ألمانيا:https://goo.gl/oj5cCl
ودي قايمة مجمعة للمنح الألمانية: https://goo.gl/vpijSD
.
77- طايب لو ملقتش منحة مناسبة في كل دول، خش على جوجل اكتب منح مجانية للطلبة، وهتلاقي دليل شامل عندك، أو ابحث باللغة الإنجليزية وهتلاقي دليل أكبر.
.
88- أخيرًا الموضوع مش مستحيل، صحيح إنه مش سهل لكن مين قال إنه سهل أصلًا؟ محتاج تجهز نفسك بكل دقة، وبشكل شخصي أعرف ناس كتير طلعوا المنح دي، تصور إنك بتدرس في مكان تاني وبلد تانية وبتتتعرف على شخصيات جديدة، بدل ما تدفع فلوس بالآلاف داخل مصر. أعتقد إنها تجربة جديرة بالبحث والتدوير وراها.
0 تعليقات