كيف تختبر اعلانك قبل عمل حملة اعلانية على الفيسبوك

كيف تختبر اعلانك قبل عمل حملة اعلانية على الفيسبوك

كتب

‎Ahmed Selim‎

المنشور النهاردة هو عن التسويق من خلال المشاعر

واقوي خمس مشاعر عند البشر هم

الخوف

الحب

التفاخر

الذنب

الطمع

وهنبداء بالعجوز القوي اقوي المشاعر عند البشر علي الاطلاق وهو الخوف والشعور ده يا شباب يفقد الشخص اتزانه وعقله وان ضغط علي الوتر الحساس في الوقت المناسب وبالطريقة المناسبة انت فعليا امتلكت الشخص ده

بس في ملاحظات لازم اقولها قبل ما ابداء

اياك ان تستخدم هذا الاسلوب بطريقة قذرة

ومش معني انك هتستخدم الخوف يبقي لازم تكون كداب

خوف العميل في اتجاه مصلحته

لاتروج لمنتجات غير جيدة عند استخدامك التسويق بالخوف

وفي الاخير عندما تنشئ الحملة لازم يكون ضميرك مرتاح

طيب نبداء

اولا انا اخترت الشريحة دي بناء علي كثرتهم وكثرة العروض الموجهة اليهم

وهي شريحة اصحاب الزيادة في الوزن واخترت اني اعمل التيست علي دولة مصر

والغرض من التيست اني اعرف مين اكتر ناس هتستجيب لشعور الخوف

وانا في الغالب لا ابداء في شئ والا جمعت كل المعلومات الممكنة عنه وانا مش هدخلكم في تفاصيل هحاول علي قدر الامكان اني اديكم الخلاصة

السؤال الاول : ايه هو اكتر حاجة بيخافو منها اصحاب زيادة الوزن

الاجابة : الامراض

السؤال التاني: ايه اكتر الامراض التي تصيب اصحاب زيادة الوزن

الاجابة 50 مرض

السؤال الثالث

ايه اكتر الامراض انتشار وشهرة وخطورة بين هذه الامراض

الاجابة مرض السكر

وبعدها بدات البحث عن مرض السكر وخرجت بمعلومات مذهلة ربما يكون ده مش مكانها

طيب ايه الصورة الي ممكن تكون مناسبة لاستخدمها في التيست

صورة الانسولين

نبداء نعرف مين اكتر ناس هتستجيب لهذا النوع من الخوف "النقطة دي مهمة جدا"

حطيت البنر الي انته شايفنه ده

وحطيت نص الاعلان 5 نصائح لتفادي مرض السكر وكتبت النصائح وعملت حملة اعلانية

طبعا الحملة الاعلانية كانت توعوية مش بيع ولا حاجة وزي ما قولت الغرض منها معرفة اكثر الناس المستجبين لنوع التسويق ده

النتائج

مصاريف الحملة حوالي 5 دولار فقط

الشريحة الاكثر استجابة

الجنس: النساء

الفئة العمرية: 35- 45

المدن القاهرة والجيزة واسكندرية وده طبيعي لان المدن دي الاكبر في مصر

المهم خرجنا بنتيجة قوية جدا انك لو هتستخدم التسويق بالخوف لمرضي السمنة استخدم التخويف من مرض السكر ووجه حملتك للنساء من عمر 35-45 وطبعا دي لدولة مصر بس لازم في كل دولة تعمل تست الاول

انت دلوقتي قدامك دراسة حالة ازاي تستخدم الخوف وازاي تستخرج الشريحة المستهدفة بس في رجاء متسخدموش الاسلوب ده لبيع منتجات كاذبة او غير صحية 

استخدمه في منتج قوي وصحي وياريت يكون حاجات رياضية علشان تفيد العميل وعلشان ربنا يباركلك في رزقك