منحة لطلبة الثانوية العامة في الحرف اليدوية تابعة للمدرسة الامير تشارلز للفنون التقليدية

منحة لطلبة الثانوية العامة في الحرف اليدوية تابعة للمدرسة الامير تشارلز للفنون التقليدية

المنحة دي عبراة عن برناج تابع لـ بيت جمبل للحرف التقليدية، بينظمها صندوق الثقافة مع مدرسة الأمير تشارلز للفنون التقليدية "The Prince's School of Traditional Arts" اللي مكانها الأساسي في لندن ، انصح الكل انه يدخل على موقع المدرسة عشان يشوف طبيعة الدراسة بس مش أكتر

طبعًا الدراسة في الدبلومة مش هناك، الدراسة هتكون في القاهرة في مكان اسمه "مركز الحرف التقليدية" في منقطة الفسطاط

الدبلومة مخصصة لمين؟

- لأصحاب المشاريع الصغيرة او اصحاب افكار المشاريع المتعلقة بالحرف اليدوية.

مدتها بالظبط سنتين ، وشرط اساسي التفرغ لأن الدبلومة 3 ايام في الاسبوع من 10 لـ 4

والغياب له نظام وايام محددة بعدها بيتم فصلك نهائيًا

وفي اوقات بيكون في ورش عمل بيشترط فيها انك تتواجد يوميًا.

هتدرس إيه؟

-المادة العلمية في الدبلومة مقسومة اتنين ، جزء عملي وجزء نظري

الجزء النظري فيه 4 مواد : رسم هندسي\رسم نباتي\رسم حر\دراسات لونية

الجزء العملي ودا جزء الحرف اليدوية وهم 44 حرف : خشب قشر أو نجارة \ خزف\نحاس\جبس

الجزء النظري مستمر معاك طول النتين ، الجزء العملي في أول سنة بتدرس نظرة عامة على الكل وتاني سنة بيبقى مطلوب منك تتخصص في حرفة واحدة بس ، وهي اللي هتقدم فيها مشروع تخرجك آخر السنة وتتقيم علي اساسه.

الجزء المهم ، التقديم ازاي؟

- التقديم حاليًا مفتوح ولحد 100 سبتمبر ، كل اللي عليك انك تروح المكان اللي هو مركز الحرف التقليدية وتسحب استمارة وتملاها وبعدها هيتصلوا بيك عشان تبدأ الأختبارات

المكان بالظبط : جنب مترو مار جرجس بـ 55 دقايق ، هتخرج من المترو ناحية الكنيسة وتسأل من هناك على مركز الخزف.

ايه نوع الأختبارات؟

- الأختبار هيبقى عشان يشوفوا مهارات ايدك في الرسم ، الموضوع مش صعب على قد ماهو محتاج تركيز ، هيختبروك في الرسم الهندسي الأسلامي، غالبًا هترسم نجمة اسلامية ومتقلقش بيكون في حد بيقولك الخطوات لأن زي ما قلت هو عاوز يشوف مهارات ايدك

والرسم النباتي هيدوك ورقة فيها كذا رسمة وانت تقلدها وبردوا المطلوب يشوفوا مهارات ايدك.

الاختبارات دي ميعادها "الأحد والإثنين 10 و 11 سبتمبر الساعة 10 لحد الساعة 4"

لو عديت الاختبارين دول هتوصل للمرحلة الأخيرة اللي هي الـInterview 

ودي اللي الأفضل فيها ان لو عندك اعمال قبل كدا يديوية اة تجارب تكون جايبها معاك ، وتكون مجهز هتقول ايه وايه المشروع اللي انت حابب تقيمه واللي الدبلومة هتساعدك توصله.

وبعدها ان شاء الله يكلموك وتكون اتقبلت.

*الدبلومة مجانًا تمامًا

*مفيش شرط بالنسبة للسن، اهم شئ التفرغ التام

**الجزء المهم اللي لازم تركز فيه أوي ، الدبلومة دي العدد المقبول فيها بيكون محدود ودا معناه حاجة واحدة بس "اوعى تاخد مكان غيرك لو انت عارف انك مش هتستفاد" يعني من الآخر لو انت معندكش هدف او بتجري ورا اي حاجة بلاش تقدم عشان تسيب فرصة لغيرك من المستحقين، في ناس كتير بتدخل ومتكملش .. وناس بتدخل وتتخرج ومبيعملوش اي حاجة واسمهم دخلوا بس عشان الأسم، فـ خلينا ندي الفرصة للي يستحقها.

كتب

Hana Elmasry