اختار الزاي لغة البرمجة اللي اتعلم واشتغل بيها
كتب
Ahmed Tawfik
كيف تصبح مبرمجا؟
النهاردة هنبدأ بأول حاجة في الطريق وهي انك تعرف:
١- من هو المبرمج.
٢- مواصفات المبرمج.
اولا من هو المبرمج (programmer) طيب بص معايا كدة المبرمج هو الشخص الذي يقوم بكتابة الكود(codee) لصناعة او انتاج برامج تؤدي وظائف معينة باستخدام لغة برمجة (programming language)
ثانيا هنتكلم عن المواصفات اللي لازم تبقى موجودة عند كل واحد يدخل مجال البرمجة وعايز يبقى مبرمج (programmer) لازم يبقى عنده استعداد انه يقعد ١٢ ساعة يوميا منغير ما يمل لازم يبقى عارف انه هيقابل مشاكل كتير ولازم يحلها وميعرفش حاجة اسمها مستحيل.
وزي ما احنا عارفين ان الزمن اللي احنا فيه ده قائم على التكنولوجيا وتطورها بسرعة جدا جعل سوق العمل محتاج لكمية كبيرة جدا من المبرمجين يعني النهاردة من الصعب جدا تلاقي حد مش بيستعمل الكمبيوتر او مش معاه سمارت فون (smart phone).
طيب البوست ده بيحطك على اول الطريق من البداية كده فانا هتكلم عن بعض المشاكل اللي الناس بتقابلها لما تيجي تبدأ زي:
١- اختار الزاي لغة البرمجة اللي اتعلم واشتغل بيها؟
٢- ابقي ايه بالضبط مبرمج لبرامج الموبيل (Mobile application) ولا الويب(web site/applicationn) ولا سطح المكتب (desktop application) ولا الانظمة المدمجة (Embedded Systems)؟
٣- مشاكل كتير بتقابلني؟
تعالوا نبدا باول نقطة
١- اختار ازاي لغة البرمجة اللي اتعلم واشتغل بيها؟
ده السؤال المحير اللي الناس كلها بتقف عنده لما تيجي بتدا يمكن بتلاقي اكتر من لغة برمجة ((Programming language) مستنياك تختار بينهم طيب انا احب اعرف شوية منهم زي:
١- لغة C و ال c++
٢- لغة javaa
٣- لغة php
٤- لغة python
٥- لغة c#
لو انت عارف لغة منهم او صاحبك قالك على لغة منهم ممكن تبدا بيها طيب لو مش عارف ومحدش قالك على حاجة ومحتار ديما ابدا بالاسهل واللي هي ال Python انا عن نفسي لما بدات اخترت الجافا(java) طيب ليه ابدا بالاسهل؟ لان الاسهل هخليك تطلع نتائج سريعة ويقلل حجم المشاكل اللي ممكن تواجهك في المرحلة دي وده شئ مهم جدا ولازم تبقى عارف ان المبرمج (programmer) بيتقن اكتر من لغة في النهاية يعني المهم انك تبدا لان في الاخر مش هي دي اللغة الوحيدة اللي هتبقى عارفها.
٢- ابقي ايه بالضبط مبرمج لتطبيقات الموبيل (Mobile application) ولا الويب(web site/application) ولا سطح المكتب (desktop application) ولا الانظمة المدمجة (Embedded Systems)؟
مبدئيا لو انت عارف عايز تبقى ايه بالضبط هديك بعض المساعدة اللي تخليك تعرف تبدا منين لو مش عارف انزل على النقطة ب على طول
أ) لو انت محدد عايز تبقى ايه:
١- مبرمج لتطبيقات الموبيل: انت عارف طبعا انواع من الموبيلات بنستخدمها ذي ال iphone او samsungg او غيرها من الانواع الجديدة اللي نازلة طبعا اول حاجة لازم ابقى عارفها ان كل تليفون عليه نظام تشغيل (Operating System - OS) هديك مثال ال iphone شغال عليه نظام تشغيل (OS) اسمه IOS و ال samsung شغال عليه نظام تشغيل اسمه android وطبعا كل OS ليه لغة البرمجة اللي بشتغل عليها ذي IOS اللي شغال على ال iphone بيستخدم حاجة اسمها swift او objective c اما ال android بيستخدم ال java وانت نش محتاج تعرف اكتر من كدة ابقى تابعني وهنعمل مع بعض امثلة نستخدم فيها ال IOS والاندرويد android هيبقى مخصص ليهم الهاش تاج دي
٢- برمجة تطبيقات الويب: و دي من اكتر التطبيقات انتشارا ودي ممكن تبدا فيها باي لغة برمجة اذا كانت ال java او python او php طيب انا ليه مجبتش سيرة .net او مجمع لغات مايكروسوفت لسبب بسيط جدا ان مايكروسوفت بتشتغل على ال windows
بس والنقطة دي هنعرفها قدام. لو انت مش عارف تستخدم لغة ايه دلوقتي انا ارجح ال python علشان اكترهم سهولة.
٣- برمجة تطبيقات سطح المكتب ال (desktop application): افضلهم للاسف ميكروسوفت :D بس ممكن تستخدم javaa كمان
ب) لو انت مش محدد عايز تبقى ايه: لو انت حابب الموضوع بس وعايز تعرف تبرمج بس انت لسة مش محدد ايه بالضبط فا ممكن تبدأ بالسهل ذي ما انا قولت بس مهم اوي انك تحدد انت عايز ايه بعد كدة طبعا احسن حاجة تبدء بال console وكمان هنعمل امثلة قريب اوي عن الاساسيات باستخدام لغة من لغات البرمجة.
٣- مشاكل كتير بتقابلني؟
البرمجة موجودة علشان تحل مشاكل كل الناس في كل المجالات فمن الطبيعي جدا ان المبرمج يقابل مشاكل كتير لانه اصلا موجود علشان يحل كل المشاكل ولازم يحلها اعرف انت على الطريق الصح لما ديما يبقى في مشاكل وانت بتحل فيها ومقلقش لان المشاكل دي
موجودة حتى عند اكبر الشركات العالمية فمن الطبيعي يبقى عندك مشاكل.
وكنت عايز اضيف ان الدورات مش هتفيد في الاول لانك لو متعلمتش برمجة لوحدك غالبا مش هتنجح في المجال ، بس لما تتعلم و تشتغل و مثلا نزل تكنولوجيا جديدة ممكن تاخد دورة سريعة علشان تعرفها مفيش مشكلة بس لازم يبقى عندك حب اطلاع والقراءة لان مجال التكنولوجيا سريع التطور فلازم تبقى انت كمان سريع التطور وكمان مش كل حاجة تنزل جديدة هتاخد فيها كورس يارب تبقى الحتة دي وصلت وطبعا من الحاجات المهمة اللي لازم تاخد بالك منها الانجليزي لانك هتقرأ كتير وطبعا كله هيبقى بالانجليزي وممكن كمان تستغل الفرصة وتتعلم انجليزي عن طريق القراءة في نفس المجال اللي انت عايز توصل فيه لحاجة صدقني الموضوع مش صعب
0 تعليقات