كيف تكتب مقال مميز يجذب انتباه القارىء

كيف تكتب مقال مميز يجذب انتباه القارىء

ازاي اكتب مقال ميحسسش القارىء بالملل

فريلانسر

مقالات

سيو

ايه علاقة التلاته دول ببعض ؟

لو انت فريلانسر شغال في كتابة المقالات او حابب تبدأ فيه لازم تبقى فاهم الحاجات دي :

* الوظيفة الاهم لكتابة المقالات هي جذب انتباه القارىء.

*لو قدرت تجذب انتباه القارىء وتخليه يقرأ مقالك لحد الاخر هتخليه يقضي فترة طويلة على الموقع.

*كل ما زادت الفترة اللي القارىء بيقضيها على الموقع كل ما اتحسن ال SEOO الخاص بالموقع وكل مال SEO اتحسن كل ما الموقع اخد ترتيب اعلى في نتائج البحث وده بالظبط اللي العميل بيدور عليه.

طيب ازاي اكتب مقال ميحسسش القارىء بالملل ؟

فيه شوية معايير لازم انت ككاتب تمشي عليها وتبقى عارفها كويس لأن المعايير دي مبنية على علم ودراسة  

*App Formula

ال APP Formula دي للناس اللي بتكتب مقالات تسويقية سواء تسويق منتجات او افكار وال APP بتنقسم ل 3 كلمات.

A = Agree

لازم توصل للقارىء في بداية المقال ان انتوا الاتنين متفقين على حاجه معينة كمثال " مين مننا ميحبش يبقى الموقع بتاعه في اول صفحة بحث في جوجل ؟" ساعتها هيحس ان اللي كاتب المقال فاهم دماغه وعارف هوه عايز ايه.

P = Promise

بعد ما اتفقتوا على حاجه لازم تديله الوعد اللي شركتك بتقدمه كمثال " احنا نقدر نزود نسبة الزوار لموقعك 300% في خلال شهر .... "

P = Preview

في النقطة دي بتحط نبذه مختصرة عن طريقة شغل الشركة والنتائج اللي الشركة وصلتلها.

*Bucket Birgades

ال Bucket Birgadess دي عبارة عن تقسيم المقال لفقرات كل فقرة بتنتهي لما تحس ان القارىء ممكن يمل في الحتة دي .. ساعتها بتنهي الفقرة وبتبدأ فقرة تانية بال Bucket Birgades اللي هيه اسئلة تنشط عقل القارىء وتخليه يفكر كمثال انت نهيت فقرة والفقرة اللي بعدها بتشرحها بتوسع اكبر ساعتها هتحط سؤال بخط عريض مثلا " طيب ايه حكاية الفريلانسر ده ؟؟ تعالوا نعرف سوا " او مثلا " ازاي قدرنا نوصل للنتايج دي في خلال الوقت القصير ده ؟ " .. الاسئلة دي بتبقى ضرورية جدا في كل مكان انت حاسس ان القارىء ممكن يفقد تركيزه او يتوه منك حتى لو هتحط سؤال في نص الفقرة حطه علشان تجذبه يكملها بدون ما يحس بملل.

Hossam Shreef