اهم الاسئلة التي تخص مجال الفري لانس (العمل عبر الاترنت) واجاباتها
كتب
Hossam Shreef
1- هل فعلا الشغل من ع النت بيجيب فلوس ومضمون ؟
الشغل من على النت زيه زي اي شغل تاني بس الفرق انك بتشيل مسؤولية نفسك هتتعب هتلاقي فلوس افضل كتير من اللي ممكن تاخدها في اي شغل تاني مش هتتعب او حتى هتتعب نص نص مش هتلاقي حاجه خالص.
---------------
2- عايز ابدأ في مجال الفري لانس بس مش عارف ابدأ منين .. اعمل ايه ؟
اول حاجه هتعملها انك هتختار مجال لنفسك وتتقنه كويس جدا جدا قبل ما تاخد اي خطوة لأنك هتبقى في منافسه في السوق مباشرة وهتبقى في منافسة بسمعتك انت مش بسمعة شركتك .. كل ما اسمك وجودة شغلك اتعرفت هتلاقي الشغل بيكبر معاك اكتر كأنك فاتح مطعم بالظبط .. جودة اكلك وتعاملك مع الناس هيكبَر شغلك اكتر , بعد ما تتقن التخصص اللي عايز تشتغل فيه هتبدأ تدور على اي موقع فيه فري لانس زي Upwork او زي Freelancer او 99designs وبرده قبل ما تشتغل عليه افهم كويس الموقع ماشي ازاي عشان متعملش حاجه مخالفة تضرك واول ما تشتغل اهم حاجه تاخد بالك منها ان اللي يجيلك مرة يبقى حابب يجيلك تاني .
-------------
3- بقالي فترة كبيرة شغال ومتقبلتش في اي شغل ؟
"غير طريقة شغلك يتغير الناتج" .. مادام بقالك فترة كبيرة ماشي على نفس الخط بنفس النتايج يبقى انت مبتبذلش جهد كافي يخليك تتميز ويتطلب منك شغل حتى لو انت مقتنع انك بتتعب يبقى انت بتتعب في الطريق الغلط .. خد راحه ومتعملش اي حاجه غير انك تفكر في الطريقة اللي بتشتغل بيها وتحاول تغيرها بس المره دي بذكاء اكبر.
-----------
4- هستلم فلوسي ازاي لو عملت مشاريع مع موقع Freelancer ؟
مفيش قدامك غير حل واحد عشان تبقى في السليم بدون اي مشاكل تقابلك الا وهو ان يبقى عندك حساب بنكي عادي وتربطه بحسابك على الموقع .. بدون بايونير .. بدون بايبال ..
----------
5- بسمع ان فيه ناس اتنصب عليها في المواقع دي .. ده صحيح ؟
ايوه صحيح كل مكان فيه الحلو والوحش وانت لو ذكي وعارف انت بتعمل ايه عمر ما هيتنصب عليك لأنك بتعرف تختار زبونك ازاي .. بالظبط زي الحياة الواقعية
---------
6- بفكر اسيب وظيفتي واشتغل فري لانسر ايه رأيك ؟
لو مكنتش واثق 100% انك هتبذل مجهود فوق الوصف وواثق كويس في خبراتك في الشغل وعارف انك هتعرف تتميز يبقى خليك في شغلك لو كان الشغل بالنسبالك شىء حيوي
..............
كورسات لأهم مجالات الفريلانس
**
#جرافيك_ديزاين
1-كورس Photoshop شامل للمبتدئين:
2-كورس Illustrator للمبتدئين :
3-كورس 3D Max كويسة جدا :
#برمجة_وتصميم_الويب
1-كورس HTML&CSS :
2-كورس JavaScript :
3-كورس JQuery :
4-كورس php :
5-كورسMYSQL :
#الترجمة
#كتابة_المحتوى (انجليزي وعربي):
#كورس_Autocad :
 واجاباتها){kind=link}
0 تعليقات