ازاى اجهز نفسى لسوق العمل واشتغل بمرتب محترم
كتب
Mahmoud Khalifa
ازاى اجهز نفسى لسوق العمل
ازاى اشتغل بمرتب محترم وأنا فى كلية تجارة العظيمة
أنا تايه فى كلية تجارة , أنا مش عارف اعمل اية فى كلية تجارة أنا طموحى عالى جدا بس مش عارف اعمل اية و غيره وغيره ......
1. اللغة ( الانجلش )
فى خريجين كتير جايبين تقديرات عالية فى كليتهم (جيدجدا++) و مع ذلك يدخل الإنترفيو ، ال HRR يقوله introduce yourself تلاقيه بطة ويتلبخ .. إييه إيييه آه آاااه ؛ طبعا مبيتقبلش وبتضيع منه الفرصة.
فأهم حاجة فى سوق العمل هو إنك تتكلم إنجليزي كويس جدا، و اللى بيبقى Fluent in English و جايب مقبول نسبة قبوله بتكون أعلى من اللى جايب جيدجدا ولغته عادية.
المهم ازاى أظبط لغتي؟!
بص يا سيدي الصحّ إنك تبقس فى Group تفاعلي و دي بعض الأماكن اللي أسلوبهم ممتاز ومَوثوق فيهم خش شوف اللى يناسبكو . هما دول أفضل الاماكن فى مصر
1. الجامعة الامريكية AUC
2. الأمدست ( المركز الثقافى الأمريكي)
3. أنجلش كابسولز وده من أحلى وأفضل الأماكن اللى بتعلم
English Capsules
هتصرف شوية بس هيرجع عليك إن شاء الله.
" أهم حاجة لسانك يتكلم إنجليزى " فشوف أى مكان تثق فيه و توكل على الله روح على طول متسوفش أو تأجل
Time = Money $.$
*هو أنا هاخد كام مستوى؟
- فى بعض الناس بتظن انها هتاخد 10 مستويات :o ، دا يبقى خراب ديار :D ، بتروح أى مركز و بيتعملك امتحان تحديد مستوى بينقلك على المستوي اللى انت تستحقه؛ و انت بتاخد لفلين أو ثلاثة ( تبع مستواك و انت بتتفاعل ولا لأ )
* دا موقع هيساعدك فى تحديد المستوي (حل من كل نوع شوية)
2. الاكسيل
من البرامج الحيوية فى أى شركة مهما كانت صغيرة او كبيرة ، لازم تشتغل عليه كويس جدا و تجرب بإيدك مش تقرأ بس او تتفرج على الشرح.
* دا شرح إكسل أكتر من رائع على اليوتيوب
هنا شرح إكسل بالإنجليزي ( تحميل تورنت ) سعره 99$ .. لكن على التورنت ببلاش
.. الكورس مفيد جدا جدا لإن معاه الملفات اللى بيشرح منها فتقدر تشتغل بإيدك
3. معلوماتك المحاسبية
هنا قدامك كذا طريق : (أ) انك تراجع أسئلة معينة ( من على النت/ من أى حد ) ، شغل شقلب و اقلب.
(ب) إنك تمشي بسيستم معين و تستفيد طول م انت شغال فيه. (Y)
السيستم اللى اقصده هنا هو الـ CMA.
" لا يا عم ال cma كبيرة و مفيش وقت.. انا عايز اشتغل على طول "
- اللى معظم الناس متعرفوش، إن البارت فى ال cma يخلص فى شهر و نص ، طب ازاى !!
بتتابع شرح زى " عمرو تايسون " شارح البارت فى حوالى 30 حلقة ( و دا رجل CPAA )، فهتخلص أول وش لك فى ال cma فى شهر و نص بالكتير .. اشتغل فيها على طول .. كل يوم فيديو.
* الشرح المميز لل CMA .. عمرو تايسون "
- لما بتروح أى انترفيو بيسألك فى أساسيات المحاسبة و غالبا بتكون المحاسبة المالية بتاعت سنة أولى و لو طلعت برنس معاه .. هتلاقيه دخل على التكاليف :D .. برده طلعت برنس .. هياخدك على التحليل المالى ^_^ xD.
ال cma بقى فيها كل دا، و بعدين بتفيدك فى كل مجالات المحاسبة ، يعنى لو روحت مكتب مراجعة كبير زى PWC , Deloitte , E&Y or KPMG هتلاقيه بيسألك فى مادة المراجعة اللى في جز منها فى ال cma .. Internal Control .
** هل محتاج ادخل الامتحان، لا ممكن تذاكر الشرح و لما ربنا ييسرلك الأمور ماديا و تلاقى نفسك مستعد للامتحان .. توكل على الله و ادخل امتحن.
*** اى كورس بتاخده على النت بتكتبه فى ال CV خاصتا لو حاجة مهمة زى الإكسل أو ال CMAA .. اللى بيعمل معاك المقابلة مش هيهتم بالشهادات قد مبيهتم إنه يسألك فى اللى انت كاتبه
4. فى بعض الحاجات فى المحاسبة المالية بتتسأل فيها زى Adjusting entries و ال Bank Reconciliation مش موجودة فى ال Cma ، هتلاقيها فى
Kieso.Accounting.Principles.11th.Edition
0 تعليقات