كيف تنفذ مشروع مضمون النجاح
كتب
أحمد ناجى
إنت أهم مشاريعك.
وزير الدفاع الاسرائيلي موشي ديان قال "العرب أمه لا تقرأ وإن قرأت لا تفهم وان فهمت لا تفعل" فقرأ البوست دا بقى لآخرة، إفهمة كويس، وإشتغل بية متشمتش فينا الأعداء
• إتعلم حرفة مش عيب، إتعلم مهارة سواء كانت يدوية أو إفتراضية، إتعلم لغة مهمة جداً فعلاً ناس بتشتغل بس عليها، أو إدرس مجال عاجبك أوى!
• تثقف بإنك تقرا عشوائى كدة، إتكلم مع ناس فمجلاتهم. الغرض توسع مداركك. إسمع بودكاستس بدل أغانى، شوف وثائقيات بدل أفلام، بدل متروح سيتى مع ناس تافة وملهاش عازة روح لقآت/مؤتمرات/مقبلات/إفنتات/حفلات نشاط طلابى/كورسات...
• كون شبكة واسعة مالمعارف واقععين وإفتراضيين. لو متعرفش ألف واحد بيشتغلوا فإية وإزاى توصلهم، روح إتعرف! حاوط نفسك بناس أحسن منك. حاوط نفسك بناس أحسن منك. حاوط نفسك بناس أحسن منك. العقول الصغيرة بتكلم عالناس، العقول المتوسطة بتكلم فالأحداث، العقول العظيمة بتكلم فالأفكار. إبعد عن صاحبك اللى مفيش فدماغة غير مخدرات/بنات، صاحب اللى عندة هواية فن بقى رياضة ولا تجارة ولا حتى قراية! وصاحب أوى اللى عايز تبقى زيهم. متحط عينك ياأخى على مثل أعلى زى إلون ماسك مش لاعيب كورة ولا مُمثل الغرض تهتم وتكلم فاللى يفيدك، الكورة/سياسة/مسلسلات غير مُفيدين عالإطلاق! هل فريقك المفضل بيحاسبك؟ هل رأيك السياسى أصلاً مهم؟ هل المسلسلات دى فرقت فحياتك؟
• كُل قليل، إشرب كتير، نام كويس، إلعب رياضة (بلاش چم وجرى عشان مُملين) ربنا ميحوجك لأمراض ولا دكاترة إبعد عن الدُخان.
• خليك مُتدين أكتر، لو مسلم إسمع قرآن وعرف وفهم وأهم حاجة تلتزم. الكذابيين، النصابيين، لأخرهم مبينجحوش فحياتهم أو تجارتهم. حجات وحشة كتير ممكن تتفادها بطاعة ربنا، وحجات حلوة كتير حتكسبها أبسطها الضمير (زى طول البوست دا، لو معنديش ضمير كنت حكتب نصة؟) والصدق.
• أقعُد كُل يوم كدة وإكتب (لو حتى لنفسك عالوتسآب) يومك مشى إزى، إتعلمت منة إية، إية لا يمكن تكررة، إزاى تقدر تحسنة، وإعمل شات تانى كلم فيك نفسك، إية اللى مضايقك، تقدر تعمل إتجاهة إية، إية أحلامك، حتحققها إزاى أو اللى فدماغك عشوائى! شات تالت فية ١٠ أفكار كُل يوم (من چيمس ألتشر) لأى حاجة بقى أفكار مشاريع بشكوش، تطوير مشروعك أو مشاريع الناس التانية (وتبعتهلهم) أفكار لإستغلال شقة... المهم تمرن عضلة الأفكار وحل المشاكل.
متقلويش انى حرمتك مالإستمتاع بالحياة، مفيش إستمتاع أكتر من كدة! تحط لنفسك هدف وتسعى لتحقيقة. إستغلال لوقت الأجازة والفراغ. حتبقى إنسان تانى أفضل بكتير!
وطبعاً روما متبنتش فيوم، أنا من ٢٠١٥ كل يوم، طول الوقت بعمل حاجة، مش كل حاجة نجحت فيها، بس الفشل إنِ مجربش وأفضل أحاول. وعموماً فنظر المُجتمع فاشل معدى أولى وتانية بالعافية وحعيد تالتة ثانوى عشان مقدرتش السنادى، فهتم بِدراستك واللّه واحد صحبى عمل فلوس وإتجوز وخلف ولسة متخرجش ٢٦ سنة. الدراسة أولوية، الدراسة أولاً. ولا أنا بتكلم غلط؟ أعتقد إن سياتك مش حتفتح بيت فمستعجلى عالمشاريع أوى وكُل حلتك ٥٠٠ جنية بدون خِبرة اللى برضة مش حتكسبها فتضيع وقتك على فرشة الحظاظات ويوم متقول عملت ٥٠٠٠ آلاف بالكتير بعد سنة اللى تقدر تعملهم أصلاً فإسبوع لو شغلت دماغك كدا وفتحتها.
0 تعليقات