معلومات مذهلة عن أمانثيو أورتيجا مؤسس Zara
كتب
Mahmoud Mahdaly
أمانثيو أورتيجا مؤسس Zara وتاني أغنى واحد في العالم. على الرغم من إن ثروته تقارب أكتر من 80 مليار دولار (ثلث الناتج القومي السنوي لمصر كلها) الا ان أغلب حياته متواضعة جدًا، بيلبس ملابس بسيطة جدًا (مفيش أي حاجة منها من Zara) وبيتغدى مع الموظفين في مقر Zara يوميًا تقريبًا ومقر معيشته الأساسي في شقة بسيطة نسبيًا وبيتردد على نفس الكافيه إللي كان بيتردد عليه منذ أيام الشباب ونشط جدًا جدًا في الأعمال الخيرية وبيتبرع لها بمليارات. طبعًا مينفعش حد ثروته 80 مليار دولار متتوقعش منه إنه يبقى عنده بعض الأشياء الفاحشة،
بل عنده، مشترى واحد من أفضل الفنادق الفاخرة في أمريكا وعنده طيارة خاصة خارقة، ولكن بيقول إنها كل حاجات شكليات وبعد ما أشتراها أكتشف إن عمره ما هيستخدمها تقريبًا لأنه بيقضي كل وقته وجهده في الشغل ومبيحبش الإجازات ولا الترفيه الزائد.
.
أكبر أسباب تفوق Zara طبقــًا لكلامه هي إن من في حين إن البراندات التانية من أمثال GAP وH&M كانوا بيستغرقوا خمس شهور في التصميم وتجديد مخزونهم وبضايعهم، Zara كان بتعمل الموضوع في 3 أسابيع فقط وهي أكبر حاجة خلتها تقدر تواكب أذواق الشباب والناس المتغيرة بسرعة كبيرة وتعرض عليهم حاجات جديدة بسرعة كبيرة أيضــًا. في 2001 و2002 كان أغلب مليارديرات العالم يائسين إنهم يحافظوا على ثروتهم ولكن أمانثيو بكل سهولة كانت ثروته في الطالع وكسب 2.5 مليار دولار، وأيضــًا خلال الأزمة المالية بتاعت 2008 اللي ضربت أغنيا كتير جدًا في مقتل وإسبانيا (بلده الأم) كان من أكبر الإقتصادات المضروبة بيها، هو قدر يزود ثروته 38 مليار دولار!
في مناسبين قبل كدا عدى ثروة بيل جيتس لوقت قصير جدًا وأصبح أغنى رجل في العالم. ولكن السبب الكبير لكدا إن بيل جيتس من أكبر المتبرعين بأمواله، بيل جيتس تبرع بما يقارب 40 مليار دولار من ثروته، ومازال متبقي معاه 90 مليار، لو مكانش بيتبرع بكل تلك المبالغ الهائلة مكانش أي حد في العالم هيقرب من ثروته نهائيًا.
0 تعليقات