معرفة اكتر الكلمات التى يتم البحث عنها في جوجل

معرفة اكتر الكلمات التى يتم البحث عنها في جوجل

كتب

Ahmad Abd El-Monsef

اكتر كلمة تم البحث عنها في جوجل في نوفمبر 2014 كانت كلمة (Relativity) عشان في نفس الشهر ده اتعرض فيلم interstellar لاول مرة في السينيمات .. ناس كتير سألتني عرفت ازاي ؟؟!!!

.

• حضرتك هتفتح الموقع العظيم ده : https://goo.gl/RJpd9y

وتكتب في شريط البحث اي كلمة تخطر علي بالك وتدوس انتر

هيظهرلك رسم بياني او منحني كده خلال السنين الاخيرة او الوقت اللي تحدده،

تعرف منه أكتر وقت تم البحث فيه عن الكلمة دي (أعلي نقطة وصلها المنحني) وكمية البحث.

لو حطيت سهم الماوس علي أي نقطة ع المنحني هيظهرلك التاريخ بالشهر والسنة وعدد مرات البحث عندها،

.

• تحت الرسم البياني هتلاقي خريطة كده تعرف منها أكتر البلاد اللي بحثت عن الكلمة دي ، مش بس كده ، لو دوست علي كل بلد هيجبلك اكتر المحافظات اللي بحثت عنها ، وتقدر تشاور بالسهم علي اي بلد ع الخريطة وهيظهرلك حجم البحث بتاعها عن الكلمة، 

وهيكتبلك جنب الخريطة اكتر 10 بلاد بحثت عن الكلمة. 

يعني الفضايح كلها موجودة لاي حد لو عايز يتفرج يعني  . 

.

• تقدر من الخيارات اللي في الموقع فوق تحدد وقت معين تبحث خلاله، او بلد معينة وتقدر كما تقارن بين اكتر من كلمة وتشوف انهي تم البحث عنها اكتر عن طريق كلمة compare هتلاقي تحتيها خانات تقدر تضيف فيها اكتر من كلمة ويعملك منحني لكل كلمة بألوان مختلفة وشغل فاخر بصراحة . 

.

• اعلي يسار الموقع هتلاقي 3 خطوط تحت بعض كده دوس عليها هتفتحلك قائمة علي الشمال 

اختار منها (trending search) .. او افتحها من هنا : https://goo.gl/3XuxU3

كل اللي عليك انك تحددله البلد فوق، وهو هيكتبلك تاريخ اليوم بداية من النهاردة وتحتيه هتلاقي اكتر 20 حاجة تم البحث عنها خلال اليوم . 

ميزة الاوبشن ده انه بيعرفك احنا رايحين علي فين تعرف كده ايه اللي شاغل بالـ الامريكان والالمان واليابانيين والمصريين النهاردة ؟ 

بالمناسبة فتحت الموقع امبارح عشان اشوف اكتر حاجة تم البحث عنها في مصر لاقيت ايه ؟ guess what ؟؟

(مسلسل الأسطورة الحلقة 20) ^^

.

• لو فتحت القائمة تاني من فوق واخترت (Trending on youtube) 

او افتحها من هنا : https://goo.gl/xv2Ck9

بردو نفس الموضوع هتحدد البلد وهيكتبلك تاريخ اليوم وتحتيه بقي اكتر فيديوهات تم مشاهدتها علي اليوتيوب في اليوم ده .. 

وبردو دخلت امبارح فلاقيت اكتر فيديو تم مشاهدته ع اليوتيوب "امبارح" في مصر كان (مسلسل نيللي وشيريهان الحلقة 21) وفي المرتبة التانية (ناصر يجرح تمارا بكلمات قاسية جدا)^^ . 

ادخلوا ادخلوا انتوا هتشوفوا العجب

.

• لو فتحت القائمة تاني واخترت (Top charts) هتلاقي حاجة حميلة اوي ، 

هتلاقي ملخص لاكتر حاجات تم البحث عنها في أي سنة عدت، انت حدد السنة والبلد فقط .. وهو هيقسمهالك الابحاث والاحداث والاغاني والشخصيات العامة والبرامج التلفزيونية . 

فانا قولت اما أبص علي 2015 اللي عدت دي اشوف اكتر trend في البحث في مصر كان ايه ؟ 

لاقيت ايـه بقي؟ (مهرجان مفيش صاحب بيتصاحب)

انت ممكن تلقي نظرة عليها من هنا : https://goo.gl/hKoxhN

.

ادخلوا وشوفا العالم حواليكوا مهتم بايه ؟ اقرأوا اكتر كتب تم البحث عنها ، اتفرجوا علي اكتر احداث او ابحاث علمية تم البحث عنها ، اقرأوا اكتر عن اكتر شخصيات أثرت في العالم وتم البحث عنها .

الترند مش في تويتر بس