سر نجاح مسلسل Game of Thrones
اية السر الي بيخلي الاعمال الدرامية الي بيقدموها اخونا دول ناجحة بالشكل الفظيع دة
شركات الانتاج الي بتقدم النوعية دي من الاعمال الدرامية طويلة الامد والي بيمتد انتاجها لسنوات وسنوات وسنوات ، فتلاقي نفسك بصدد متابعة عمل درامي يبدأ في 2011 ومن الطبيعي يمتد معاك للـ2016 ومكمل عادي لازم توفر الامكانيات المناسبة لعمل في الحجم دة ..
المسلسل العظيم Game of Thrones ، يحتوي علي قصة وتركيبة مبهرة حقيقة ، قصة وتركيبة وتفاصيل وعالم تم ابداعه من لا شئ حرفياً لينتج عنه ممالك وابطال وبيوت وبدايات لعالم متفرد الصراحة ،، لكن هل دي كانت النقطة الفاصلة في تميز المسلسل الرائع دة ، لا ..
الروايات الي ابتدي المؤلف جورج ار مارتن في كتابتها ونشرها في عام 91 ابتدت في 2008 تقريباً قصتها مع الانتاج ، مارتن الي نقدر نطلق عليه توصيف العبقري بكل بساطة وبدون مغالاة في وصفه قدر ينتج عالم اروع من اروع شئ اتكتب وممكن يبقي عدي عليك ، الراجل قدر يقدم تفاصيل كتير وحاجات كتير من اول قصة بداية العالم كله ، قصة العائالات التي فيه ابطال العالم لكل كلمة في تفصيلة ولكل تفصيلة قصة ولكل قصة موضوع كبير اوي اوي تقدر تطلع منه العديد والعديد من الاعمال الدرامية الغنية بالحبكة والدراما وترابط الاحداث ..
الروايات دي لما جيه المؤلف ديفيد بينوف ودانيال وايز ياخدوا منها عشان يعملوها كتبوا هما كمان بالتنسيق مع جورج ار مارتن ملحمة رائعة ، بس عشان الملحمة دي تتنفذ مكنش مجرد اتنين مؤلفين وكاتب الروايات ومخرج واكشن وممثلين وصور ،، لا الموضوع اكبر من كدة ..
الفيديو دة بديع جدا في تفاصيله ،، لية الناس دي قدرت تنجح وتوصل لكل العالم ومختلف الثقافات حول العالم بالمنظر دة ،، يعني اية الناس تبقي منبهرة بالصورة دي ،، ازاي ابقي مصدق جدا الاعمال الفنتازيا دي ، وابقي متفاعل مع ابطالها وازعل عشانهم وعشان كمان مبادئهم وافكارهم وخلفياتهم وعادتهم وتقاليدهم وابقي جزء من كل دة ،، الناس دي نجحت ووصلت لهذا القدر من النجاح لانهم لما جم يعملوا العمل الملحمي دة ، وفروا له ما يستحق العالم الملحمي دة من امكانيات ،، ازاي بحثوا ونقوا واختاروا وشافوا وراحو وجم عشان يقع في الاخر اختيارهم علي اماكن التصوير ، الجو العام لمختلف الممالك ، ومختلف الظروف ، شئ رائع بكل ما تحمله الكلمة من معني ..
الناس دي عباقرة في تجهيز اعمالهم ، وتوفير القدر الاكبر من الجو الي بيخلي اي ممثل قادر يبدع بدرجة تصل الي اضعاف الـ100% الي في امكنياته الفنية ، شئ يستحق يبقي مثل اعلي ..
الضخم جدا في Game of Thrones ومش في مسلسل غيره ان احنا هنا بصدد انتاج وانشاء عالم كامل متكامل بخلفيات دينية وثقافية مختلفة وطبيعة مختلفة واسلوب مختلف بل وكمان لغة مختلفة ، الفيديو دة الي مدته 30 دقيقة تقريباً هيبين للناس هنا جزء صغير كدة من عبقرية الاعداد لعمل ملحمي كبير وازاي ينجح ولية وصل للمكانة العالمية دي كواحد من اكبر وابرز الاعمال الدرامية عبر تاريخ التليفزيون
كتب
أسطورة الفن الهابط
أسطورة الفن الهابط
0 تعليقات