قواعد الذهاب ل صبحي العشرين (صبحي في قلب روض الفرج)

قواعد الذهاب لـ صبحي العشرين (صبحي في قلب روض الفرج)

قواعد الذهاب ل صبحي العشرين

صبحي في قلب روض الفرج ورا ابراج النايل سيتي وسط حواري فمتقلقش يعني ولو رايح مواصلات خد مترو شبرا وانزل محطة مسرة واركب توكتوك ولو رايح بعربيتك ادخل من ناحية النيل 

١_ اوعي تروح وانت شبعان لأنك مش هتحس بطعم الاكل ومش هينوبك غير الانتظار 

٢_ اركن عربيتك بعيد وخد لك توكتوك بخمسة عشرة جنية ودي تجربة حلوة للي مركيوش توكتوك قبل كدة 

٣_ روح بدري عن معادك عشان هتلاقي زحمة كتير وهتزهق من الاننظار 

٤_ اكد علي اللي هياخد الطلبات لو الاكل بارد هيرجع له 

٥_ جرب الملوخية وانت مغمض عنيك هي والموزة الضاني والطواجن وجرب ورقة اللحمة تحففففة 

٦_ الشباب اللي شغال هناك مش بلطجية زي ما بيتشاع عنهم . كل الحكاية انهم ممكن يكونوا ثقافاتهم اقل او منعدمي خبرة في الشغلانة 

وحط في دماغك ان اي حد بيروح يطلب شغل صبحي بيشغله ومبيقولش لا لحد 

٧_ لو روحت بعربيتك لحد هناك اركن مطرح ما تحب لان في الاخر كل طقم السياس بيسترزق من كل شارع او حارة قريبة من المطعم ومتخافش علي عربيتك 

٨_ لو معاك بنات او عائلات متقلقش وروح لانك في وسط ولاد بلد بجد ومحدش هيضايقك بجد 

٩_ جرب الريش والكباب هيعجبوك اوي اوي 

١٠_ اطلب رز بالخلطة مع اي طلب لانه تحفة بجد 

١١_ حاول تتعرف علي اي حد من اللي بيشتعلوا هناك وخد رقمه واحجز قبلها وانت رايح 

١٢_ الكبدة تتاكل حاف هي والسجق ومتحاولش تاكل معاهم عيش او رز وجرب 

١٣_ متنساش تطلب ممبار لان لو نسيت يبقي فاتك كتير اووووي 

١٤_ خليك ناصح ومتروحش عند صبحي وتطلب فراخ ١٥_ متقلقش من اللحوم لانها مدبوحة ومتشفية ومتجهزة جنب المطعم ابقي قوم اتمشي وشوف بنفسك 

١٦_ السلطات ببلاش جرب البتنجان المقلي والفلفل وادعيلي 

١٧_ متنساش تراضي الولد اللي هينزلك السلطات والعيش عشان المرة الجاية هينفعك 

١٨_ اوعي تركب وانت خارج لحد العريية لان اللي عملته في نفسك مش قليل وهتحتاج تتمشي وتهضم 

١٩_ لو طلبت ربع مشكل وواحد ملوخية ومعاه رز وعيش وسلطات متقلقش حسابك مش هيوصل خمسين 

٢٠_ بلاش تروح خميس او جمعة الا لو ليك واسطة ومتنساش تبقي تعزمني بقي

by...amr gamil aly