ذكاء الشخص العالي يدفعه لاتخاذ قرارات حمقاء
تعرف أن ذكاء الشخص العالي ممكن يخليه ياخد قرارات حمقاء؟، .... لأن الذكاء بيولد الغطرسه!!
لما الشخص بينتبه أنه أذكى من كل الناس اللي حواليه بينحاز لأفكاره الخاصه وده بيدمر فهمه للعالم بشكل صحيح , عشان كده الشركات اللي بتدور على أشخاص ذكاؤهم عالي بتختار منهم الأشخاص المتواضعين بالنسبه لقدراتهم العاليه دي .
جوجل على سبيل المثال بتأكد على نقطة التواضع دي خلال الإنترفيوهات او مقابلات العمل اللي بتعملها للموظفين , لأنهم عارفين أن الإعتماد على الذكاء الخام فقط ممكن يجي على حساب الاستماع لوجهات نظر الآخرين وأفكارهم.
الكلام ده بتدعمه دراسه أجراها طبيب نفسي إسمه لويس تيرمان سنة 1926 على 1500 تلميذ من الموهوبين والأذكياء خلال حياتهم كبالغين , واكتشف ان الذكاء مالوش علاقه مباشره بتحقيق انجازات في الحياة، وإن معدلات الطلاق أو إدمان الكحول أو الإنتحار بين الموهوبين أعلى من مستوياتها عند الأشخاص العاديين.
في النهايه وعلشان ننتقل من الذكاء للحكمه لازم ننتبه لنقطة التحيزات الخاصه دي ونحاول نتخلص منها.
كتب
Ahmed Elhassanin
المصدر
0 تعليقات