حب حقيقي أم نقص تقدير ذات
Kerolos Bahgat
هل ده حب حقيقي و لا نقص تقدير ذات ؟؟
في مقالة بنفس العنوان بيشرح الدكتور David Sack أن ساعات في ناس بتدخل علاقات عاطفية مش لأي سبب غير لسدهم أحتياج عميق عندهم بتقدير الذات , يعني هو مش مهتم العلاقة ديه يعملها مع مين أو حتطور تبقي ايه ,, قد ما هو كل همه في العلاقة ديه أن يحس انه مصدر أهتمام او تقدير من الشريك اللي في العلاقة .. و اللي بيسميه دكتور David بالـ Relationship-Contingent Self-Esteem ( تقدير ذات مشروط العلاقة ) .. فهو داخل العلاقة عشان يرفع من تقديره لذاته , أنا أهو محبوب , أنا أهو في حد مهتم بيا و مهم في حياة شخص ما ! .. و للأسف ديه كارثة !!
الكاتب الكبير Fernando Pessoa في كتابه Book of Disquiet( اللاطمأنينة ) بيقول :
"We never love anyone. What we love is the idea we have of someone. It’s our own concept—our own selves—that we love"
بمعني , أن أحنا مش بنحب حد , لكن بنحب الحالة اللي بنكون فيها ساعة الحب , بنحب فكرة حصولنا علي حد ! , ففي الحقيقة أحنا بنحب نفسنا مش شراكاءنا !! ...
من أكبر المشاكل اللي بيتم الترويج ليها في الحب , هو أن الأنسان بيدخل الحب عشان يسد حاجة , زي الأكل و الشرب كدة .. فأنا دلؤتي جعان فيلا أسد جوعي بالأكل , فأنا دلؤتي محتاج أتحب فيلا ادخل في علاقة !! و الحقيقة أن ده مش صح تماما !! .. فأول خطوة في الحب هو مش انك تكون محتاج تتحب قد ما تكون أنتا مليان حب !
هو لما تكون جواك مشاعر عطاء و تضحية عاوز تمارسها مع الشخص اللي بتحبه .. فيبقي تقديرك بذاتك مش مرهون ابدا بالشخص ده , بالعكس , أنت من كتر ثقتك في نفسك و ايمانك بنضوج أختيارك للشخص اللي بتحبه , انتا عاوز تبسطه هو , تطوره , تخليه عايش في الجنة ع الأرض ! .. انتا فعلا قوي في ذاتك لدرجة أنك أعلي من اي خلافات هبلة ممكن تحصل او حتي سوء فهم بينكوا ممكن يتم .. فأنتا مش في حاجة لأي مشاعر عشان تشكل قوتك لا ده انتا عشان قوي فبتحب !!
فاللي بيعمله الشريك في اي علاقة مش أنه بييسد أحتياجك للقوة او يملاك ثقة من عدم ! , أنما بيستحضرها من جواك في شكل المشاعر اللي بينكوا , بس في الأساس مصدرها انتا .. فلو الشخص داخل علاقة لمجرد أنه يعوض النقص للي عنده .. يبقي عمر العلاقة ديه ما حتتقدم او عمر النقص ده ما حينتهي ! و زي ما العظيمة Elizabeth Browning قالت قبل كدة :
“I love you not only for what you are, but for what I am when I am with you. I love you not only for what you have made of yourself, but for what you are making of me. I love you for the part of me that you bring out.” ( أنا بحبك مش لمجرد أنتا ايه قد ما انا بقي أيه و انا معاك ..
أنا بحبك مش عشان أنتا عملت ايه في نفسك قد ما أنتا عملت ايه فيا .. أنا بحبك عشان الجزء اللي مني , اللي أنتا قدرت تظهره فيا ) ... فحبوا اللي يحببكوا في نفسكوا ..
0 تعليقات