كل الكلام اتقال - الشاعرة : دعاء عبد الوهاب
كل الكلام اتقال
كل القلوب خايفين
ليل اللى عاشق طال
قالوا الوطن موال
ف الحبس و الزنازين
كان حلم عود أخضر
ساكن قلوب الناس
قال ع الهموم هاقدر
صار بالهموم ينداس
و اهو لسه ييعافر
و هيتسند على مين ؟؟
طول ما الوطن موال
ف الحبس و الزنازين
و يا دمى يا سايل
طايل ايدين الكل
سقيت غيطانهم نور
طرحت عيونهم ذل
م الخوف على بكره
باتوا الحروف ساكتين
بات الوطن موال
ف الدمع و الزنازين !!
0 تعليقات