كورس الإنجليزي الخاص بـ ‫ الجامعة الأمريكية

كورس الإنجليزي الخاص بـ ‫ الجامعة الأمريكية

كورس الإنجليزي الخاص بـ ‫#‏الجامعة_الأمريكية‬ بالضبط مجانا 100%. عملته قناة على ‫#‏اليوتوب‬ تحت اسم "English For You” . 

وهنا هـتلاقي شرح بسيط لفكرة القناة: https://youtu.be/9vkGXYBXuuE

الكورس على شكل محاضرات مقسمة على 3 مستويات كبار; من البداية إلى الأساسي إلى نهاية المتوسط. كل مستوى عبارة عن 4 فصول ومقسم لحوالي 30 درس/حصة. متوسط كل واحدة ساعة تقريبا. وفيه كمان مستوى إضافي متخصص في المحادثات للّي عايز يكمل.

بـتجربة ناس كتير أعرفهم شخصيا, بـيأكدوا إن الموضوع مفيد وسهل جدا. كل اللي إنت محتاجه, إنك تفضل تعيد وتزيد معاه. ولو عايز نتيجة أسرع, ياريت تذاكر مع الفيديوهات بالورقة والقلم وتنطق ورا المدرس. أنا معاك إن الموضوع أحيانا بـيبقى ممل. بس كل اللي جربوه واستمروا, بـيأكدوا إنهم في ظرف 3 شهور تقريبا اتغيرت رؤيتهم للإنجليزي وحياتهم كلها للأحسن.

وهنا الروابط (لينكات) هـتساعدك توصل إلى:

1) مستوى المبتدئ beginner level https://goo.gl/zpuquB

مدة المستوى 30 حلقة/حصة/ساعة.

وهنا هتلاقي تمرينات عبارة عن محاكاة أو مواقف بـتحصل قدامك عشان تدربك على السمع باللغة الإنجليزية للمبتدئين: https://goo.gl/r7gSp8

2) المستوى الأساسي: elementary level: https://goo.gl/RuFRiC

وده يعتبر المستوى التالي للمبتدئ وقبل المتوسط. ومدته 30 حلقة/حصة/ساعة.

وهنا هتلاقي تمرينات عبارة عن محاكاة أو مواقف بـتحصل قدامك عشان تدربك على السمع باللغة الإنجليزية للمستوى الأساسي: https://goo.gl/KfNx2p

3) المستوى المتوسط: https://goo.gl/jvysGs intermediate level

مدة المستوى 20 حلقة/حصة/ساعة.

4) وهنا هتلاقي مجموعة قصص مصورة للمبتدئين: https://goo.gl/AlTx9p

هتلاقي مدة كل قصة مش بـتزيد عن 10 لـ 15 دقيقة تقريبا. بس هتكون مفيدة جدا للسمع وكمان لتعليم كيفية صياغة الجملة بـالإنجليزي.

______________________________________________

عايز أضيف حاجة كمان, يمكن حد يحتاجها في يوم. أحيانا بـيبقى فيها ناس عايزة تعرف هي واقفة عند أنهي مستوى في إنجليزي عشان تبدأ من عنده.

بـبساطة كده, فيه حلين. 1) إنك تجرب تدخل أي مستوى في الكورس المجاني اللي فوق ده. لقيته سهل بالنسبالك أكتر من اللازم, تعديه للمستوى اللي بعده. وبرضو لو لقيت مستوى صعب عليك, أنصحك ترجع 3 أو 5 حصص لورا. وهـكذا لحد أما تلاقي المستوى اللي تحس إنك من ناحية بـدأت تكتسب معلومات جديدة ومن ناحية تانية فاهم اللي المدرس بـيشرحه.

2) إنك تعمل حاجة اسمها اختبار تحديد مستوى ( ‪#‎Placement_Test‬ ). وده بـاختصار عبارة عن امتحان مجمع لكل المستويات الإنجليزي تقريبا. بـتجاوب على اد ما تقدر وتخبط يمين وشمال مع اللي ما تعرفهوش. بـييجي في الآخر بـيتصحح, وبـتطلع النتيجة بـالمستوى المناسب ليك.

فـبخصوص موضوع تحديد المستوى, فيه كذا طريقة كلهم سهلين جدا ..

1) إما تاخد امتحان تحديد مستوى على الإنترنت, وده بـتقدمه ‫#‏جامعة_كامبريدج‬بـمنتهى السهولة على الرابط ده: http://www.cambridgeenglish.org/test-your-english/

أول حاجة بـتختار أي نوع إنجليزي من الأربعة اللي موجودين: عام/للمدارس/للمبتدئين/للأعمال .. وده ترتيب الصعوبة بتاعهم: سهل/صعب/أصعب/ الأصعب. كل واحد منهم إمتحان مستقل بـيعطيك الدرجة الخاصة بيه.

2) أو ممكن تاخد امتحان بـيقدمه موقع مجاني:http://www.examenglish.com/leveltest/index.html

وده هتلاقيه قريب شوية من امتحانات ال ‪#‎TOEFL‬ و ‪#‎IELTS‬ و ‪#‎CEF‬ وده عبارة عن 15 سؤال, كل إجابة (صح/غلط) بتأثر على (صعوبة/سهولة) السؤال اللي بعده وبرضو معاه امتحان تحديد مستوى للإنجليزي السماعي من خلال حوار بيدور وعليه أسئلةhttp://www.examenglish.com/levelte…/listening_level_test.htm

وفي الآخر, بيقولك النتيجة إنت مستواك كذا (حرف ورقم).

وعشان تفهم معنى الرمز, الموقع عامل جدول فيه كل الرموز ومعانيها بالنسبة مستوى في TOEFL و IELTS و CEF على الرابط ده:http://www.examenglish.com/examscomparison.php

3) وكمان ممكن تعتمد طريقة سهلة جدا. هي إنك تستخدم الرابط ده: http://goo.gl/ggUsD5 عشان تنزل ملف وورد, فيه امتحان مكون من 14 صفحة. فيه اختياري كتير وبـيختبر مستواك في القواعد النحوية (‪#‎Grammar‬ ) وكمان حصيلة الكلمات (‪#‎Vocabulary‬ ) بتاعتك. 

فـأحسن حاجة, تطبع نسخة من الملف, أو تحل في ورقة بره الإمتحان كله الأول. وبعد ما تخلص على طول, هـتروح منزل ملف الوورد ده كمان من هنا: http://goo.gl/GUKwV2

ده بقى اللي هتلاقي فيه إجابات الملف الأولاني. فـتفتحه وتقعد تصحح لنفسك أسئلة الاختياري. وبالنسبة للأسئلة التحريرية (اللي فيها كتابة), فـنصيحتي تخلي حد تثق فيه يساعدك على تصحيحها. بس الأهم, يستخدم معايير التصحيح اللي هتلاقيها في الملف الإجابات (الأخير) ده, في صفحة 3.

______________________________________________

أخيرا, مش محتاج أؤكد على إنه لو فيه أي حد محتاج أي مساعدة أو تفاصيل أكتر, ما يتكسفش من السؤال. 

ما تحرمونيش من الثواب وما تحرموش نفسكم من حقكم في المعرفة.

فـممكن تتواصلوا عن طريق:

- فسيبوك: https://www.facebook.com/rami.hatata

- تويتر: https://www.twitter.com/hatata91

- e-mail: rami.hatata@live.com

المستشار/ رامي حتاته

مستشار قانوني

رئيس قسم ‫#‏الترجمة_القانونية‬

بـدار الحلول القانونية