أفضل 20 إبليكيشين ممكن يكونوا على موبايلك
الأبليكيشن دي (تقريباً) أهم الحاجات إللي قدرت أجمعها بحيث تكون مُسليّة ومفيدة في نفس الوقت، (كلها) موجودة على Google Play مجاناً.
1 - Easy fun Learn English : ده عبارة عن برنامج مُسّلي جداً لتعلم اللغة الإنجليزية بطريقة الصور والصوت من خلال ألعاب وتمارين هتخليك تعرف الكلمة وطريقة نطقها وكمان هيدربك بطريقة شيّقة مش هتخليك تنسى الكلمة أو نطقها أو معناها .. لو أنت مبتدئ أو عندك طفل عايزه يتعلم بطريقة ممتعة .. ده ((أفضل)) برنامج ممكن تستخدمه.
2 - Vocabulary Trainer : البرنامج ده معمول أصلاً لتعلم اللغة العربية للناطقين بالانجليزية وبالتالي بينطق الجمل والكلمات باللغتين بطريقة واضحة، مقسمهم تقسيم لطيف حسب الموضوع، هيفيدك لو أنت مبتدئ.
3 - Speak English Daily : ده برنامج هيدربك على الاستماع للناطقين بالانجليزية، وبالتالي هيعوّد ودنك على طريقة نطقهم، بالاضافة ل 1500 جملة شائعة بالنطق، و 1500 كلمة شائعة بالنطق، ده برضو كويس جداً لو انت مبتدئ.
4 - 50 Languages : البرنامج ده بيخليك تعمل خطة للتعلم وبرضو بطريقة شيقة عن طريق بعض الكلمات المضادة لبعضها .. دي اكتر حته عجبتني فيه .. بتتعلم كلمتين في نفس الوقت .. لكن لو ماعندكش مساحة ع الموبايل ممكن تستغنى عنه لأنه يعتبر مافيهوش جديد عن إللي قبله غير النقطة دي.
********************************************
الأبليكيشن إللي بعد كده ( English listening - English Central) لو أنت عايز تتعلّم إنجليزي ومستواك حاليا من تحت المتوسط لمتوسط، وبالنسبالي أنا English Central من أفضل البرامج إللي ممكن تتعلم منها، لانه بيعرض فيديو بنطق واضح بعدها بيتناقش معاك في الكلمات وبيسألك فيها وبعدين بتسجل الفيديو بصوتك، يعني بيدربك على الكلمات والاستماع والنطق في وقت واحد.
*****************************************************************
الأبليكيشن بعد كده ( ESL Pod ensider - BBC English ) لو أنت عايز تتعلّم إنجليزي ومستواك حاليا من متوسط أو أعلى، الأتنين تدريب على المحادثة والاستماع بسرعة معقولة ، الفرق بينهم إن BBC محتاج تبقى دايما متصل بالانترنت، لكن التاني ممكن تعمل داونلوود للي عايزه وتسمعه براحتك في اى وقت.
***********************************************************
9 - Duolingo : الأبليكيشن ده حلو جداً، بس للأسف مش بيعمل حساب الناطقين بالعربية، عكس موقع البرنامج نفسه، بس في لغات كتير تعليمها حلو قوووي وسهل، لو عقلك وزّك تتعلم تركي ولاهندي ولا حاجة.
**********************************************************
10 - ( mind game - peak ) الأتنين دول ألعاب عقل، بيبتدي البرنامج بسؤالك أسئلة تقيس قدراتك في التذكر وحل المشكلات والعمل تحت ضغط والعمليات الحسابية والتركيز، وحسب إجاباتك بيحدد نقاط ضعفك وبيصمم خطة تدريب لحالتك، كل يوم بيبقى في مجموعة تدريبات تقوي نقط الضعف دي عندك. في كمان واحد شبههم سمه Lumosity لو تحب تجربه.
**********************************************************
11 - الجرائد الاكترونية المصرية: مجموعة كبيرة من الجرائد االمصرية تقدر تشوفها كل يوم على الموبايل.
***********************************************************
12 - إقرأ لي : من اجمل البرامج إللي ممكن تخليها على جهازك لو أنت نفسك تقرأ وماعندكش وقت، كتب وروايات ومقالات مسموعة وبطريقة نطق ممتازة.
************************************************************
دول برامج دينية، Never miss fajr .. برنامج هيخليك تصحى لصلاة الفجر بسهولة، لان الأدان مش هيسكت غير لما تجاوب على 5 أسئلة، او تحرك الموبايل 20 هزة.
وطبعاً (أذكار الصباح والمساء) للناس إللي مش حافظاها هتبقى أسهل بكتير لو ع الموبايل ومعاك في أى حتة.
**************************************************************
13 - Locker for study : ده بقى هينفع مدمنين الفايس إللي وراهم امتحانات، الابليكيشن ده هيقفل كل ده لفترة المذاكرة إللي هتحددها وبالتالي مش هيفتح قبلها فهيخليك تركز وأنت بتذاكر شوية.
************************************************************
14 - Yummly : للناس إللي غاوية طبيخ، الوصفة ومدتها ومكوناتها والكالوريس بتاعتها. الاكلات أجنبية لأنه مش عربي.
*********************************************************
15 - MP3 Cutter and Rington : برنامج لقص الاغاني.
16 - SVD : لو عايز تنزل فيديو من الفايس بوك لجهازك.
17 - MP3 Downloader : لو عايز تنزل أى أغنية بأى صيغة على جهازك بيحولها ل mp3 وبينزلها بسهولة.
********************************************************
0 تعليقات