تجميعة تطبيقات رائعة على الاندرويد
دول شويه تطبيقات كده على الاندرويد انا شخصيا بستخدمها وبستفيد بيها جداااااا جدااااااا
بص ياسيدي نبدا بالالعاب بما انه كل بيركز على الالعاب ايه رايك لو تلعب وفي نفس الوقت تمرن عقلك وتزود معدل ذكائك ولعب مسليه جدااا
1- Lumosity
ودي لعبه جامده جداااا وفي تمارين كتير المرونه مثلا والتركيز والذاكرة والسرعه وحل المشكلات وكل يوم بيديلك تلات العاب تلعب ولو عايز تزود اشتري بقى
.
2- Best IQ Test
وده طبعا لا غنا عنه خاصة للناس اللي بتدور على شغل والجو ده وده طبعا بيختبر معدل زكائك وفي حاجات حلوه جدااا لو عايز تعيش فيها اما بقى لو تعسرت شويتين في الحل ففي 4 كتب اسمها منسا للاذكياء والعباقره فيها الاسئله الحلول ابحث عنها وهتلاقيها ولو احتر اوي كلمني ابعتهالك
.
3- Sudoku Free
ودي لعبه قديمه شويتين بس لو لاي نفسك فاضي وفي نفس الوقت تشغل مخك شويتين يبقى تلعبها وفيها جميع المستويات من مبتدئ لــ محترف
نيجي بقى للي كل الناس بتدور عليه الا وهو الانجليزي عقده المصرييين اللي اكتشفت انه سهل جدااااا بس عايز شويه استمرار ومتابعه بس مش اكتر
4- Memrise
وده تطبيق كويس جدااا وهو في الاصل موقع لو عايز تدخل عليه
وبتختار الماده العلميه اللي انت تحددها في الانجليزي وبتتعامل فيها من البدايه خالص لحد التويفل لو حبيت او الاعمال لو حبيت برده وفي ميزة جامده جدااا انك ممكن تحمل اللي انت عايز وتشتغل عليه من غير نت واكتشف انت مميزاته بقى
5- Duolingo
نفس الفكرة اللي فاتت بس بطريقة مختلفه وبرده مميز جدااا وحقيقي بتتعلم منه وبحددلك هدف كل يوم تشتغل عليه وبيتابع معاك كل فترة لو نسيت المستوي اللي خلصته بيرجعلك عليه
6- Dictionary
لو انت محترف حبيت في الانجليزي القاموس ده هينفعك اكيد وكل يوم بيديلك كلمه جديده تتعلمه وبينطقها وبيجيبلك امثله عليها في اكتر من مجال
7-google translate
وده طبعا اكيد ناس كتير عارفاه اللي هو ترجمه جوجل بس قولت انزله لو محدش واخد باله منه ولا حاجه طبعا ممكن تنزل ملف الترجمه العربي علشان لو عايز تترجم من غير نت ولا حاجه
8- Goodreads
الجماعه المثقفين اللي بيحبو القراءة اجمع عندي هنا
ده موقع كده عامل زي الفيس بوك بس للمثقفين واللي بيحبو القراه بس وهو عباره عن مقع بتاشرك عليه الكتب وتناقش عليه وتعمل لنفسك مكتبه فيه وهتلاقي فيه مجتمع فكرة كويس جدااااا تتعامل معاه احسن من التلوث اللي بنشوفه على الفيس وفي الشارع كل يوم هتحس فيه انه لسه في امل وبرده ده في الاصل موقع والتطبيق ده للتسهيل عليه وممكن تعمل لنفسك تارجت سنويه للكتب اللي عايز تقراها وفي طبعا حاجات كتير مش عايز اظلمه بكلامي بس ادخل وشوف ولو عوز حاجه انا موجود
9-Pocket
اما بقى او انتي زيي كده بيعتمد اعتمادكلي على الواي فاي وما بيشتركش في باقات ولا غير ف التطبيق ده هينفعك كده اللي هو اي موضوع معين او مقال مثلا عايز تقراه تعمله شير على البرنامج وحفظه في جيبك وممكن تقراه بقي في المواصلات او غيره ومن غير نت
10-PicsArt
طب افترضت انك قرات حاجه وعجبتك اوي وعايز تصورها وتعملها مشاركه مع اصحابك وتخفي جزء وتظهر الجزء اللي عجبك . البرنامج ده هينفعك اوي او ياعم عايز تعدل على صور او اي حاجه هظيبطك برده
11- TED
الجماعه بتوع التنميه البشريه وقصص النجاح وعايز انفتاح فكري اكتر تعالالي ده ليك انت ده بس على كبير
وده هتلاقي عليه الاف الفيديوهات المفيده جدااااا وهتلاقي في اي مجال انت عايزة غالبا وحاجه كده مفيده مش هتندم لو سمعت عليه كام فيديو كده وبالمناسبه برده ممكن تدخل وتحمل الفيديو اللي انت عايزه وفي ترجمه عربي وانجليزي كمان لو عايز تطور اللغه ولو عايز تعرف عنه اكتب بس في جوجل TED
12-TEDxCairo
ده زي اللي فوق بالظبط بس مصري وهيعجبك اوي وهتلاقي فيه قصص نجاح كويسه جدااا تشجعك نحو مستقبل افضل
13-Quran for Android
وده احسن تطبيق قران للاندرويد ممكن تستخدمه لانه بالرسم العثماني وممكن تحمله منه صوت وممكن تقرا من عليه التفسير وهتلاقي عليه مميزات كتير لاختصار احسن تطبيق قران هتستخدمه في الاندرويد
14-ميراث النبي
ومن اعرض عن ذكري فان له معيشة ضنكا
ده بقى بيعمل ايه انت بتشغله بس وكل فتره كده بيفكرك باذكار صوتيه وهتلاقي عليه برده ادعيه وحاجات تاني مفيد بس الاهم انه بيذكرك كل شويه بذكر الله والصلاه على النبي ودعاء وكله صوتي
15-Any.DO
لو انت بتنسي وعايز حاجات تفكرك بمواعيد وحاجات تعكلها يوميا وغير البرنامج ده ليه تنظيم في كل حاجه انت عايز تعملها وما اكثر هذه البرامج ولكن ده انا يستخدمه شخصيا ومفيد جدااا
16- 365Scores
مش ناسيك يابتاع الكوره ده شطبه انت بس واختار الفريق اللي انت عايزه وهتلاقيه بيجيبلك كل حاجه مواعيد ونتائج واخبار وكل حاجه
واخري في الغالب هتلاقي لكل حاجه من دول موقع على النت ممكن لو زهقت من الموبايل تتعامل على الموقع وطبعا بيبقى فيه مميزات اكتر وامكانيات اكتر واكتر
.
ولو وقفت في اي حاجه تقدر تكلمني وتسالني على اي حاجه
ولو مش لاقي حاجه تنفعك كلمني قولي انت عايز ايه وانا اجيبلك اللي انت عايزه في طبعا تطبيقات كتير عندي بس كتبت اللي الناس ممكن تستفاد بيهم اكتر
شكرا Hamada Essam
0 تعليقات