20 حاجة تعملوها فى العيد دى هتخلي العيد احلى
1- زور قرايبك حتى لو القعدة مش حلوة بس الزيارة هتديك فرصة تشوف شقتهم نضيفة
2- اسهر فى الوقفة براحتك والعب بلاى ستيشن واساسيان كرييد عادى
3- المخدرات والخمرة مش شطارة اشطة ؟
4- بلاش تخرج مع بنات فى اماكن تجمع معروفة زى المولات والميادين "دا لمصلحتك على فكرة"
5- متتحرش
6- متسكتش على تحرش
7- السيلفى مع الدبيحة حركة قديمة ومش حلوة
8- بعد الدبح بلاش تحط ايدك فى الدم عشان الميكروبات والعدوى والنضافة
9- صلى العيد فى مكان معروف وروح لجامع بيعمل احتفالات وبلاش تصلى فى الجامع القريب . انت فى عيد
10- اكل اللحمة الكتير مضر طبعاً فحاول تفهم طنط ان الكرش مش حاجة حلوة
11- ادخل على اهلك بهدية بسيطة حتى لو كيس لب وسودانى
12- القعدة فى البيت فى العيد مش حلوة .. اخرج
13- اتبسط على قد ما تقدر لانك داخل على دراسة بعد العيد على طول
14- بلاش تخرج لوحدك فى العيد ارجوك متبقاش عميق فى الأعياد
15- متتريقش على لبس حد ولا منظر حد احنا فى عيد ودى حرية شخصية
16- متسألش حد عن العيدية اللى خدها دى اسرار بيوت
17- البندقية والمسدس الخرز حلوين بس مش فى وش حد ولا فى اللمبات
18- متسكتش على تحرش
19- الليزر فى وش الناس بيضايق .. جداً
20- اقعد مع اهلك ولو ليوم واحد فى البيت وقولهم كل سنة وانتم طيبين حتى لو مش متعود
0 تعليقات