إزاي تعمل Portfolio في الكتابة و الترجمة؟
الفريلانسر اللي بيشتغل في مجال الكتابة و الترجمة ....مهارتها كلها في الكلمات ...الفن اللي بين السطور
بكل بساطة الportfolio بتاعك هو عينة من شغلك اللي فات ...لو بتكتب مقالات يبقي تضيف المقالات اللي كتبتها و لو تعرف تجيب عدد مرات القرأة يبقي أحسن ....لو بترجم تضيف النص قبل و بعد الترجمة ... و هكذا ضيف اللي يظهر مهاراتك في الكتابة و الترجمة بين كام واحد شاف اللي انت كاتبه و كام واحد عجبه.... و في الأخر كالعادة ترفق شهادة من صاحب الشركة اللي أنت عملت له الشغل ده تأكد علي مهارتك و علي تنفيذك للشغل ده و ده مهم جداً جداً جداً و لازم في اي شغل تاخد شهادة مكتوبة من صاحب الشغل كمرجع ليك قدام العملاء القادمين
طيب كله ده تمام هكتبه فين ؟
عندك أكتر من حل ..ممكن تعمله في PDF أو تعملهPowerPoint و تبعته للعميل مع الe-mail و أنتوا بتتفقوا .
ممكن تعمله برضه في PowerPoint و تخليه علي أي Cloud من الحاجات الكتير المتاحة زي OneDrive مثلاً و يبقي مجرد لينك وقت ما تحب تبعته للعميل ...أو تقدر تضيفه علي أي موقع فريلانس زي
مهما كانت الطريقة اللي هتعمل بيها الportfolio بتاعك لازم تاخد بالك قوي من طريقة العرض .... دي أهم حاجة لو طريقة عرضك مش منظمة و حلوة و تخلي اللي قدامك منبهر بالشغل ده .... هتضيع علي نفسك أكتر من 80% من قيمة الشغل مهما كانت قوته ...أولاً و أخيراً أنت هدفك من ال portfolio إنك تبهر العميل و تبين له قدراتك
0 تعليقات