ازاى تحمى صورك اللى على الموبايل

ازاى تحمى صورك اللى على الموبايل ....

مصيبة بتقع فيها البنات بس ان شاء الله نحلها دلوقتى بخطوة بسيطة على موبايلك و تأمنى نفسك .....لو انتى بنت و بتحبى التصوير...خلى بالك سواء الموبايل معاكى او ناوية تببعيه او تديه هدية لأى حد .....لو انتى اللى بتستخدمى الموبايل خدى بالك من الايميل اللى بتستخدميه سواء على موبايل او تابلت بيتشغل بالاندرويد او ابل IOS .....ازاى ...اهم حاجة انك تبقى لاغية ال Sync او الكلود (للناس بتوع ابل ) للصور بين الايميل و التليفون عشان صورك متتحفظش على النت على الايميل بتاعك فأى حد لو عرف يجيب الايميل و الباسورد بتاعتك كل سنة و انتى طيبة كل صورك معاه .....

....طيب لو ناوية تبيعى الموبايل انا سمعت ان ممكن اى حد يرجع الصور بتاعتى من على الموبايل لو بعتهوله حتى لو مسحتهم او عملتله ضبط مصنع او حتى سوفت وير ...ده حقيقى ...بأستخدام بعض البرامج ممكن يجيب صورك من اول ما اشتريتى الموبايل ....طيب ايه الحل ......

بالنسبة للاندرويد ...اللى هى الموبايلات او التابلاتات زى سامسونج - سونى - htc - lenovo - lg - اى تابلت او موبايل بيشتغل بنظام الاندرويد الخطوات اهى : 

1- بعد ما تاخدى نسخة من كل ملفاتك من على الموبايل ....متمسحيش منها اى حاجة سبيها زى ما هى....و حطى باسورد للموبايل تكون باسورد بتتكون من 6 حروف و أى رقم....و اعملى الخطوة ده ....الخطوة دى ممكن تاخد اكتر من ساعة...و لازم يبقى الموبايل فى الشاحن حتى لو مشحون 100 % ...و لا ينصح انك تقفلى الموبايل مثلا و هو لسه بيعمل الخطوة دى

1- هنروح على Settings الاعدادات و بعدين نختار الحماية Security و بعدين نختار تشفير الهاتف Encrypt phone 

الخطوة دى بتعمل تشفير للملفات بلوغاريتمية معينى صعبة الكشف ......بعد ما تعملى الخطوة دى و كله تمام....هنعمل 

2-لو هتبيعى الموبايل بكارت الميومرى ..هتعلمى خطوة 1 ....بس بدل تشفير الهاتف Encrypt phone هتختارى 

تشفير كارت الذاكرة Encrypt SD CARD

3- استعادة ضبط مصنع من الاعدادات Settings و بعدين back up and reset النسخة الاحتياطية و الاستعادة و بعدين Factory Data Reset استعادة ضبط المصنع

كده الموبايل رجع نضيف و لو حد حاول يعمل استعادة ...كل الملفات هتبقى متشفرة...... اخر حاجة عشان تبقى مأمنة نفسك 80 قيراط....تملى الموبايل بتاعك اى ملفات ...على الاخر .....تمليه اى صور ..اى اغانى ...اى افلام....اى حاجة

-----------------------------------------------------------------------------------------------------------------البنات اللى معاها : Iphone- او I-pad - او - IPOD.....من اول Iphone 3Gs او نظام تشغيل iOS 3.0 

ابل عشان الحماية عملت مايكرو شيب بتعمل تشفير للملفات من غير اى تدخل منك ... ...بس للاسف قدرنا اننا كمتخصصين الكلام ده بأستخدام بعض البرامج و التكنيك و قدرنا نرجع جزء كبير من البيانات ...و بعتذر انى مش هقدر اساعد اى حد عايز يسترجع بيانات اتمسحت من عنده.....المهم هنعمل ايه لو جهازى أبل : 

1 - هتاخدى نسخة من كل صورك و ملفاتك من على الموبايل او الاى باد يا ريت بأستخدام 

2- هتعملى Log Out تسجيل خروج من ....apple ID و ..Cloud Mail من الاعدادات 

3- هنعمل فورمات للجهاز من على الويندوز بس منعلمش علىQuick Format ...هياخد وقت شوية لكن بيمسح بقوة 

4-زيادة فى الامان اخر حاجة عشان تبقى مأمنة نفسك 90 قيراط....تملى الموبايل بتاعك اى ملفات ...على الاخر .....تمليه اى صور ..اى اغانى ...اى افلام....اى حاجة

4-هنعمل استعادة ضبط مصنع Settings > “General” > “Reset” > “Erase all Content and Settings”, 

4- بعد ما يخلص ....كده انتى فى الاوكيه .......

-----------------------------------------------------------------------------------------------

معلومات عامة : اوعى تفتحى الايميل بتاع ال Gmail اللى على موبايلك على اى جهاز كمبيوتر مش تبعك عشان متزعليش جامد .....و الباس ورد محدش ياخدها حتى لو انتيمتك ... ....لو الايميل بتاع ال Gmail هو هو بتاع FACEBOOK يا ريت الباسورد تبقى مختلفة مش نفس الباسورد .....